Reportajen Juvinal Cabral
FRETILIN sei la salva tan partidu seluk, to’o ona halo ona dala rua, no dala tolu to’o ona liu-liu sira ne’ebe depois kontra fali FFRETILIN
“ Ha’u la fiar atu remata governu ida ne’e, sei iha remodelasaun la’os nonu IX governu ne’e desimu X governu . Tanba ha’u rona Primeiru Ministru atu sai, entaun la’os ona nonu IX governu signifika IX vida badak ona” dehan Sekretariu Geral Fretilin, Mari Alkatiri iha II kongresu Partidu Libertasaun Popular (PLP) ba jornalista sira iha Salaun Oka, 15/02/2025.
Eis Primeiro Ministro ne’e esplika kuandu mai fali iha désimu (X) governu tenke iha programa foun bele dehan orsamentu foun, tanba ne’e nia dehan nonu governu ne’e to’o 2028. Sira mak hakarak ona dehan remoldasaun, Primeiru Ministru foun signifika IX governu, labele kontinua ne’e désimu X governu ona.
“Partidu hotu-hotu iha nia polítiku, la’os tanba partidu Xanana nia hakarak remodelasaun hotu-hotu tenke halai tuir, ba ha’u lae, Fretilin hein to’o eleisaun, governu ida atu troka kamiza ne’e lae” dehan Sekretariu Jeral partidu Fretilin ba jornalista depois remata nia diskursu iha II kongresu partidu PLP.
Nune’e mos Sekretáriu Jeral partidu Fretilin husu ba governu IX ho osan barak liu gasta osan, taka matan de’it, $23.000 juta dolar, osan rupiah gasta ona halo fali ema ki’ak mak sala fali, Dili fo’er tanba ema ki’ak mak sala, Dili kareta bara-barak ema ki’ak sai riku fali, ida ne’e sira la ko’alia derepente riku matak de’it iha uma kareta tolu ka haat.
