Reportajen Juvinal Cabral
“Asosiasaun Jornalista Timor Lorosae (AJTL) haksolok tanba ohin loron AJTL no mos Conselho Imprensa (CI) kontinua halo historia ida atu komemora loron Balibo Five ba dala 50 nian ne’ebe mak hamate ita nia jornalista nain 5 husi Australia, ne’ebe mak sai hanesan inspirador ba jornalista Timor Lorosae”, dehan prezidente AJTL Zevonia Vieira iha nia diskursu, Conselho Imprensa 13/05.
Prezidente AJTL haktuir hahu iha tempu invazaun jornalista sira halo kobertura kona violasaun direitos humanos ne’ebe mak akontese iha Timor deside loron Balibo Five monu iha 16 Outubro sai hanesan loron nasional liberdade imprensa.
“Ha’u sente orgullu tanba ne’e sai historia importante ba Timor liuliu ba jornalista sira, tanba sira nain 5 nia mate ne’e sai hanesan historia ne’ebe mak inspira ita hotu oinsa sai jornalista ne’ebe mak brandi, kritiku no mos brandi hakerek lia loos liuliu ba iha asuntu importante sira liga ho direitos humanos”.
AJTL ho CI konsege iha aproximasaun ne’ebe mak hanesan oinsa tinan ida ne’e AJTL entrega obra husi Balibo ne’e Conselho Imprensa atu organiza eventu boot ne’ebe mak sei monu iha loron 16 Outubro hodi komemora tinan 50 jornalista nain 5 mate iha Timor liuliu iha fronteira espera katak servisu ne’ebe AJTL ho CI halo inspira, kontinua enkoraja jornalista sira hakerek lialoos.
“AJTL agradese ba Conselho Imprensa ne’ebe mak fo fiar ba AJTL kontinua halo komunikasaun Asosiasaun Jornalista Timor Lorosae oinsa mak bele halo akordu ida ne’e hamutuk hodi nune’e nasaun selu-seluk liuliu Australia, sira nia historia ne’e sai hanesan obra ba asosiasaun sira, jornalista sira no ba conselho Imprensa liuliu hanesan ita nia orgaun ne’ebe instituisaun indepeden, sai sumbrinha ba asosiasaun jornalista hotu no media hotu-hotu atu ita nia respeita honra ba sira nia kontribuisaun”.
“Prémiu Balibó five, iha inisiu to’o tinan kotuk CI organiza mesak, CI halo atividade ne’e, nu’udar responsável úniku ba prémiu ne’e, iha tinan kotuk ita ko’alia ona komesa oinsá mak Asosiasaun Jornalista sira tenke kontribui, ou sai parte iha prémiu ida-ne’e,” dehan Prezidenti Conselho Imprensa (CI) Otelio Ote iha nia diskursu.
Prezidente CI haktuir Komisaun Organizadora ne’e, husi AJTL, TLPU, ka organizasaun sira seluk nune’e bele fahe netik todan ba malu, ida-ne’e mak sira espera, tanba responsabilidade ba dezenvolvimentu média no jornalizmu ne’e la’ós KI de’it, ho ida-ne’e mak realiza duni parseiru prinsipál, parseiru prinsipál mak SEKomS, organizasaun Jornalista sira, no instituisaun sira ne’ebé servisu iha área Komunikasaun.
Iha fatin hanesan Direktor ezekutivu Conselho de imprensa António Dias, ho 50 anos masakre balibo five conselho de imprensa iha nesesidade nafatin prezerva historia ida nu’udar historia mundu nian no historia timor-Leste.
“Primeru hamoris fila fali premiu ne’e no jornalista sira moris tuir jornalista nain 5 halo hela ba ita.”
AJTL kontinua livre nafatin iha servisu advokasia ba liberdade Imprensa teretorial ba servisu jornalismu sira nian.
“Iha tempu badak DADN sei loke ofisialmente ita nia premeiu ba tinan 2025 no ita bele la’o tuir kriteria sira ne’ebé mak iha”.
