Reportajen Silvino Freitas
Tuir komunikadu imprensa husi palasiu Prezidenti Republika neebe Neon Metin asesu katak, enkontru neebe PR Horta halo ho Papa Leao XIV nee dura minutu 30 hodi koalia situasaun iha timor leste neebe amo papa hatene ona tanba santa Se sira kobre informasaun hotu, nunee koalia hodi hato’o fiar ne’ebé metin no saudasaun kmanek povu timoroan nian, hodi reafirma ligasaun espirituál ne’ebé profundu no dura entre nasaun no Santa Sé, halo mos enkontru produtivu ho Sua Exelénsia Arsebispu Paul Richard Gallagher, Santa Sé nia Sekretáriu ba Relasaun ho Estadu no Organizasaun Internasionál sira.
“Prezidente simu prémiu Doutór Honoris Causa iha Siénsia Polítika husi Universidade Messina, instituisaun istóriku ida iha Itália ne’ebé estabelese iha 1548, no simu titlu Profesór husi Universidade Link Campus iha Roma kona-ba Rezolusaun Konflitu no Dalan sira ba Pás” hateten komunikadu husi palasiu prezidente neebe Neon-Metin asesu, (24/11).
Papél ida-ne’e rekoñese formalmente Prezidente nia matenek iha dékada barak nia laran no fornese plataforma ida atu inspira jerasaun sira iha futuru, iha ninia diskursu aseitasaun, Prezidente Ramos-Horta trasa viajen estraordináriu Timor-Leste nian husi konflitu ba demokrasia ne’ebé vibrante, hodi destaka ninia jestaun ekonómika ne’ebé prudente no ninia rekonsiliasaun istórika ho Indonézia nu’udar modelu global ida ba pás, nune’e prezidente mós fó sai apelu forte ida ba reforma urjente Konsellu Seguransa Nasoins Unidas nian hodi sai ekuitativu no efetivu liután.
“Iha asaun ida ne’ebé kaptura nasaun nia fuan, Prezidente Ramos-Horta konvida pesoalmente senora Sofia Hornai dos Santos, faluk ida ne’ebé badinas no vendedór ambulante, atu hamutuk ho ninia delegasaun nu’udar konvidadu espesiál ba Audiensia Papal” haktuir komunikadu.
Nune’e aktu neebe lori Sofia ba audensia papal ne’e fó atensaun internasionál ba dignidade silensioza, sakrifísiu, no forsa ne’ebé metin husi família timoroan sira Sofia nia prezensa hetan elojia pesoál hosi Sua Santidade Papa Leão XIV, hodi destaka Prezidente nia kompromisu hodi fó onra ba sidadaun sira loroloron nian, vizita ida ne’e la’ós de’it diplomasia maibe selebrasaun ida ba klamar husi ita-nia nasaun ita hamriik iha salaun sira Vatikanu nian no iha universidade antigu sira la’ós de’it nu’udar Estadu ida, maibé nu’udar povu fiar-na’in no reziliénsia, hodi konvida Tia Sofia, ita fó onra ba inan-aman timoroan ida-idak ne’ebé sira-nia sakrifísiu nonok harii ita-nia nasaun nia future, ita hatudu ba mundu katak polítika esterna Timor-Leste nian la’ós de’it kona-ba envolvimentu podér, maibé kona-ba fó kbiit ba ita-nia povu no fahe ita-nia esperiénsia susesu iha dalan ba pás.
