Reportajen Filomena da Conceicao
Ministru Administrasaun Estatal (MAE), Tomas Cabral hateten motor hirak ne’ebe MAE fahe ba Xefe Suku sira, atu fasilita servisu adminitrasaun suku no operasional ba xefe suku hodi lao ba aldeias sira atu finaliza dadus populasaun online.
“Mortorizadas sira ne’e atu hala’o operasional administrasaun suku no ida fali hala’o ba operasional Xefe suku hodi lao ba aldeia sira iha suku sira ne’e hanesan iha munisipiu Baucau Bobonaro Ermera Viqueque hotu hodi finaliza dadus populasaun Online”, dehan Tomas ba jornalista sira iha Edifisiu Mae Caicoli, Segunda 24 de Novembru.
Tanba ne’e, ita fasilita ekipamentus sira ne’e atu ajuda servisu sosiais sira iha suku laran, korderna ho PAM para dijitaliza tiha prosesu ne’e, prosesu pendente hela barak mak seidauk hotu mak Munisipiu Baucau Dili Bobonaro Ermera tanba númeru populasaun boot Xefe suku sira depois iha ona mortorizada bele fasilita servisu ne’e.
Nia esplika, Mortorizada ne’e MAE suporta para halo jestaun de administrasaun hodi halo servisu administrasaun no ida ba xefe suku para lori hodi la’o haleu suku ninian no tama ba aldeia sira hodi nune’e , bele hatene povu iha aldeia ne’e nia moris no foti daus husi komunidade sira.
“Mortorizadas sira ne’e fó ba xefe suku sira para hodi finaliza dadus populasaun sira nian, tanba tinan oin ita atu halo avalisaun kondisoens populasaun husi Munisípiu sira no eleitores sira para identifika asembleia Munisípal”, dehan Tomas
Iha Fatin hanesan xefe do suku Makadiki Waitame, Jacinto Soares haktuir sente kontente ho motorizada ne’ebe hetan husi MAE tanba liuhusi motorizada hirak ne’e bele ajuda nia hodi lao ba vizita komuilnidades sira ne’ebe hela iha area remotas.
“Hau kontente simu motorizada neebe fahe husi Ministeiru Administrasaun Estatal (MAE) , tanba hau nia suku ne’e iha liu area remotas neebe doook husi postu administrativu watulari no liuhusi motorizadas nee bele ajuda hau hodi hatutan hau nia ain hodi lao ba hau Nia komunidade sira”, dehan Jacinto.
Entretantu, motorizadas ne’ebe distribui husi MAE ho Total 20, ne’e distribui ba Suku 10 kompostu husi: Munisípiu Baucau: Suku Ueru-Mata, Postu Administrativu Laga; Suku Builai, Postu Administrativu Baucau no Suku Caibada Macasa’e, Postu Administrativu Baucau.
Munisípiu Ermera: Suku Assui-Lau, Postu Administrativu Letefoho; Suku Koliate Leten, Postu Administrativu Hatulia A; Suku Poetete Vila, Postu Administrativu Ermera; no Suku Poetete Lodudu, Postu Administrativu Ermera. Munisípiu Manufahi: Suku Tahu-bein, Postu Administrativu Alas
Munisípiu Viqueque: Suku Macadique-Uaitame, Postu Administrativu Uatularino Suku Macadique de Baixo, Postu Administrativu Uatulari.
