Reportajen Filomena da Conceicao
Ohin, Ministeiru da Eduksaun (ME), Anunsiu rezultadu final exame Nasional ba estudante 9° ano ensino Basico no 12° Ano husi ensinu sekundariu ba tinan 2025 ho total estudante hamutuk 54,128 no husi total estudante refere, estudante Rihun 1000 resin la passa iha exame Nasional
Sekretariu Estadu Ensinu Sekundariu Jeral no Ensinu Sekundariu Tekniku Vokasional, Domingos Lopes Lemos hateten, sentidu responsabilidade no kompromisu neebe aas ba edukasaun maka Ministeriu Edukasaun fo sai rezultadu aprovasaun estudante nian ba tinan akademiku 2025, neebe rezulta husi ezame nasional sira neebe tuir ona. Numeru total estudante sira neebe tuir ezame nasional no hetan numeru ezame mak 54,128, neebe fahe iha nivel edukasaun oin-oin.
“Estudante balun la passa iha exame nasional ne’e, nia sistema ita uza antes sira tama husi eskola mai, no valorPQ nee, husi eskola mai, sira la Liu nee tanba balun la partisipa prosesu exame Nasional no balun tuir duni exame maibe haree fali ba sira Nia valor nee, sira la preinse rekezitus sira husi ME, tanba ne’e Ita labele halo manipulasaun hodi sira pass iha exame”, ateten DominGus Lopes ba jornalista sira salaun Ministeriu Edukasaun, Vila Verde, Tersa (16/12/2025).
Nia esplika, Rezultadu sira neebe hetan hatudu katak maioria estudante sira kumpre ho satisfatoriu kriteriu aprovasaun nian, neebe distribui hanesan tuir mai: eskola bazika: estudante 25,120 hetan aprovasaun (97,52%), 640 la hetan aprovasaun (2,48%), Eskola Sekundaria Jeral estudante 23,486 aprovadu (96.82%), 444 la aprovadu (1.86%), ESTV total estudante 3,441 neebe hetan aprovasaun (100%), Edukasaun Rekorrente estudante 353 hetan aprovasaun (91.21%), 34 la hetan aprovasaun (8.79%).
Nia esplika, Eskola Bazika estudante 26,019, Ensinu Sekundariu Jeral estudante 24,168, ensinu Sekundáriu Tékniku Vokasional (ESTV), estudante hamutuk 3,530, edukasaun rekorrente estudante 411. Husi total estudante sira neebe rejista ona, tuir duni ezame nasional sira nain 53,518, ho estudante nain 640 neebe la partisipa iha prosesu nee, neebe reflete taxa partisipasaun neebe aas iha nivel ensinu hotu-hotu
“Ba estudante sira neebe la pasa, Ministeriu husu ba sira atu labele sai dezanimadu, hodi enkoraja sira atu haree etapa ida-nee hanesan oportunidade ida ba aprendizajen, hadia nafatin no preparasaun ba realizasaun akademika sira iha futuru,” nia husu.
Iha fatin hanesan Ministra Edukasaun (ME), Dulce de Jesus Soares dehan, molok aprezenta dadus importante atu destaka katak tinan akadémiku ida nee partikularmente ezijente, ezije nivel aas adaptasaun, kompromisu no reziliensia husi sira hotu neebe envolve iha prosesu edukasional estudante sira, mestre sira, inan-aman tutela sira no komunidade edukasional iha jeral. Kontestu ida nee fo signifikadu ida neebe signifikativu liutan ba rezultadu sira neebe agora hetan ona.
“Hau dirije ba ita boot nia Exelénsia sira hodi fo sai rezultadu aprovasaun nian ba estudante sira iha tinan akadémiku 2025, neebe determina bazeia ba ezame nasional sira momentu ida ho importansia espesial iha viajen akademika ami nia estudante sira-nian, tantu iha klase 9 Eskola Bázika nian no iha klase 12 Eskola Sekundária nian iha tinan eskolar atual,” dehan ME
Nia afirma, rezultadu sira nee maka espresaun ida neebe la iha duvida konaba dedikasaun, disiplina, no esforsu kontinua, neebe hetan apoiu husi monitorizasaun atensaun husi professor sira no apoiu permanente husi inan aman tutela sira.
Givernante ne’e esplika, iha materia sira Portugués, Matemátika, Siénsia Fízika-Naturais, no Istória no Jeografia, ho rezultadu neebe estavel nafatin iha tetum, no diminuisaun uitoan rejista iha Ingles.
Entretantu, ministeiru da Edukasaun, kongratula estudante hotu-hotu neebe hetan aprovasaun ba sira nia esforsu, dedikasaun no dezempeñu akademiku neebe hatudu durante iha prosesu aprendizajen tomak tanba hanesan rekoñese kolaborasaun husi profesór sira hotu, supervizór sira no sira seluk neebe envolve iha prosesu edukasaun nia orientasaun, monitorizasaun no apoiu sai krusial ba susesu neebe hetan.
