Home Notisia Aniversariu CNC, Meta Malik: Preserva Memoria no Pasadu La’ós Atu Hamosu Odio...

Aniversariu CNC, Meta Malik: Preserva Memoria no Pasadu La’ós Atu Hamosu Odio no Vigansa

582
0
Ministru Asuntus Kombatentes Libertasaun Nasionál, Julio da Costa "Meta Malik".[Foto: Santina Lucia da Costa | 18.07.2020]

Reportazen Francisco JDA

CNC presiza dezenha atividade no programa preserva hodi tau matan no kuidadu didiak memoria pasadu povu Timor-Leste nian, iha ambitu luta ba

Centru Nasionál CHEGA! (CNC) selebra aniversariu ba da tolu ho tema Hamutuk Ita Preserva Memoria ba Esperansa.

Iha aniversariu CNC nian,  lansa mos realatorio Anual CNC ba Periodu 2019 no relatorio ezekusaun Primeiru Mandatu 2017- 2020 no fahe mós sertifikadu ba estudante sira ne’ebé hakerek livru ba sobrevivente sira luta ukun rasik an.

Liu hosi diskursu Ministru Asuntus Kombatentes Libertasaun Nasionál, Julio da Costa “Meta Malik” ne’ebé reprezenta Primeiru Ministru hateten, CNC presiza dezenha atividade no programa preserva hodi tau matan no kuidadu didiak memoria pasadu povu Timor-Leste nian, iha ambitu luta ba libertasaun nasionál hahú hosi 1974 to’o 1999.

“Ita ko’alia hosi 1974 to’o 1999 rekonsilia hela nia tutun, maibé la hare nia hun. Iha 1999 mak halo maibé 1974 ita la halo ida ne’e sai tusan ba ita ka lae? serbisu ba ita hotu atu deskuti no fo hanoin ba malu, keta halo ita sira ne’e hateke ba oin, mais ita hakat hela erru balun ne’ebé ita halo iha tinan 1974 no 1975. Atu relembra fila fali katak hakarak ka lakohi ita tenke fanu fila fali, hateke  ba ita nia pasadu buat ne’ebé ita hakat, sidi no haksoit liu”, hateten Meta Malik iha Antigu Komarka Balide, 17/07.

Meta Mali reforsa tan preserva memoria no pasadu la’ós atu hamosu odio no vigansa ne’ebé bele orienta Konflitu ba future, maibé atu promove inisiativa no esforsu hodi prevene Konflitu iha ambiente favoravel, rekonsiliasaun, haburas paz ho nasaun seluk ne’ebé fó apoiu ba invazaun no okupasaun Indonézia, liu-liu rekonsiliasaun paz no okupante Indonézia oras ne’e no ba nafatin.

Maske nune’e nia salienta liu tan, atu tau matan ba fatin istoriku sira hanesan eis komarka Balide ne’ebé balun mate no balun sei moris.

“Situasaun sira ne’ebé ida-idak mai ho nia sofrementu, ho nia historia no pasadu ne’ebé organizasaun rekolha hotu, dalaruma ita basa hirus matan iha dalan, mais ida propriu la basa hirus  matan no ita ko’alia barak liu nia”, Meta Malik.

Print Friendly, PDF & Email

LEAVE A REPLY

Please enter your comment!
Please enter your name here