Home EduTek CNC Serbisu Ho MEJD Elabora Kurikulu Edukasaun Sivika no Istoria Ba Nivel...

CNC Serbisu Ho MEJD Elabora Kurikulu Edukasaun Sivika no Istoria Ba Nivel Eskolaridade

340
0
MEJD, Armindo Maia entrega hela sertifikadu ba estudante iha loron Aniversariu CNC. [Foto: Santina Lucia da Costa | 18.07.2020]

Reportazen Adroaldo ‘Saretukau’

Centro Nasional Chega! (CNC) selebra loron aniversariu ba datoluk nian, hamutuk ho vitima sobrevivente sira, membru governu, corpu diplomatiku no estudante sira. Iha loron importante ho tema Hamutuk Ita Preserva Memoria ba Esperansa.

Liu hosi seremonia refere Diretor Ezekutivu CNC, Hugo Fernandes hatoo deskursu katak memória mak relembra ita atu hatene ita nia hun. Hosi memória halo ita aprende, oinsá atu refleta ba ita nia futuru. Atu labele haluha ita nia memória, ita presiza konserva didiak ita nia istória, atu ita hanoin nafatin ita nia pasadu.

Hugo Fernandes hateten linha jeral orientasaun polítika governu nia mak preserva memória pasadu, tau matan ba fatin turístiku no konteúdu relatóriu Chega tama iha konteúdu ensinu eskola no Universidade sira.

Hugo informa katak durante nee CNC halo ona kooperasaun ho universidade no eskola sira, hodi introdus programa hatutan memória, hodi dokumenta inan-aman sira nia istória pasadu no mos ba peskiza

Relasiona ho kurikulu ba eskola sira, Hugo sei lao hamutuk ho Ministériu relavante sira hodi elabora matéria kuríkulu.

“Centro Chega sei la la’o mesak durante tinan tolu, sei halo parseria ho parseiru estratéjiku sira komesa kedas hosi Ministériu sira, hanensa Ministériu Edukasaun Juventude Desportu, dadaun ne’e elabora hela matéria kuríkula ba matéria rua, matéria istória nomos matéria ensinu edukasaun sívika Cidadania direitus umanu”, hateten Hugo iha Antigu Komarka Balide, 17/07.

Iha fatin hanesan Prezidente Interinu CNC, Arlindo Francisco Marçal hateten parseria ne’e mos halo ho ministériu edukasaun juventude no desportu, hodi elabora hamutuk kuríkulu ba matéria edukasaun sívika no matéria istória ba nível eskolaridade, terseiru siklu, parseria ho Ministériu Ensinu Superior fo ona biban ba Centro Chega, hodi halo kooperasaun ho UNTL, UNPAZ, UNDIL no UNITAL, hodi introdus matéria Chega no justisa tranzitóriu ba estudante sira, hosi universidade ne’ebé refere.

Parte sorin Ministru Assunto Veteranos do Combates Libertação Nacional, Júlio da Costa  “Meta Malik” enkoraza CNC atu halo nafatin esforsu, hodi produz kontiúdu relatóriu Chega iha kuríkulu Ensinu báziku no ensinu superior sira.

“Importante tebes ohin ita hahú, ita hotu tenki kontribui atu bele boot liu tan, atu sai baze istóriku ba ita nia oan sira, tanba ohin ita seidauk ko’alia istória iha eskola ida. Ita la eduka, ita la fo ba sira, Timor ne’e mai hosi ne’ebé”, hateten Meta Malik

Meta Malik dehan ita sedauk prepara istória sufisiente, atu bele fo ba ita nia eskola sira, tanba ne’e mak husu ba CNC atu bele servisu hamutuk ho Ministériu sira ne’ebé relevantes, atu bele kontribui hanoin hamutuk, atu kontribui halo buat ruma, atu nune’e bele rai hela ita nia jerasaun, ita nia eskola sira, ita nia oan, buat sira ne’ebé mak loos no buat ne’ebé mak serteze.

LEAVE A REPLY

Please enter your comment!
Please enter your name here