Reportajen David da Costa
Primeiru Ministru (PM) kay Rala Xanana Gusmão, ohin deklara ona arkiva tiha rekrutamentu ba Kursu Formasaun ba Ajente Polisia Nasional Timor-Leste (PNTL) tinan 2025 nia no anusia fila-fali rekrutamentu foun ba PNTL tinan 2026.
Primeiru Ministru (PM) kay Rala Xanana Gusmão hatete, ohin informa ba Prezidente Republika (PR) José Ramos-Horta kona-ba horseik ho hodi bairua ne’ebe maka kadetes foun PNTL halo fali ona manifestasun hasoru Ministru Interiór (MI) Francisco da Costa Guterres ba prosesu rekrutamentu PNTL foun.
“Ne’ebe ami horseik ko’alia tiha ona, ami bolu komisaun husi Australia, Portugal ho mos sosedade sivil ninia, ami ba haree didi’ak fali prosesu rekrutamentu tomak ne’ebe provoka kontestasaun barak ne’e,” dehan Primeiru Ministeru Xanana ba Jornalista sira iha Palsiu Prezidensial Bairo-Pite, Kinta 19/03.
Nia Afirma “Tanba ne’e ami haree didi’ak husi rekomedasaun husi Polisia sira Australia no Portugal sira dehan katak, di’ak liu buat ida uluk ne’e arkiva tiha, loke fila fali rekrutamentu foun”.
Tanba ne’e mak iha rekrutamentu foun tinan 2026 ne’e iha fase tolu ne’ebe maka Ministeriu Interiór Francisco da Costa Guterres maka sei esklarese ba publiku, Tanba ne’e iha fase tolu ne’ebe maka iha.
“Sei iha fase tolu ba prosesu rekrutamentu PNTL foun, primeiru hotu-hotu tuir fase ida, se maka lakon iha fase primeiru nia ba ona, la hanesan ho segunda fase, kala numeru menus ona, se maka lakon sai ona, pois ba terseira fase se maka lakon mos sai, nune’e buat hotu-hotu bele transparénsia no justu. Horseik ami deside ona ida ne’e,”
Maibé horseik iha Palasiu Governu Ministeriu Interiór Francisco da Costa Guterres dehan semana oin governu sei simu rezultadu ou rekomendasaun husi komisaun Monitorizasaun no Fiskalizasaun ne’ebe halo verefikasaun no revizaun kle’an ba faze hotu-hotu hosi prosesu selesaun nian ba iha polemika kadetes foun ne’e.
“Ne’ebe ha’u hanoin ita boot sira hatene karik, komisaun sira nia servisu la’o naruk ona, sira mos asesu dokumentu hotu ona, ne’ebe sira iha loron hira nia laran ne’e, sira sei hakerek sira nia relatoriu ikus para semana oin sira propoin mai iha governu, para depois governu foti dezisaun tuir rekomendasaun ne’ebe maka sira fó,” dehan Ministru Interiór (MI) Francisco da Costa Guterres ba jornalista sira iha palasiu Governu, kuarta 18/03.
