Reportajen Estajiaru Isác Nidio Sarmento
Ministerio Justiça Asina kontratu ho kompaña Internasionál PT Sankuriang no mós kompaña lokál Mojes Entreprais Unipessoal, Lda, hodi halo dezenu ba sentru koresional prizaun Weberek atu bele fo fatin ba prizioneiru sira hodi dada is labele han toba no sir abele halo atividade produtivu balun iha sentru koresional foun prizaun Weberek Alas Manufahi.
Ministru Justisa Sergio Hornai dehan, hahu husi primeiru governu too mai iha nonu governu foin realiza husi estudu no prosesu neebe naruk tebes ho kondisaun husi prizaun 3 neebe iha maka ohin hahu ho avansu ida neebe progresu tebes tanba nee ohin hahu ona asina akordu atu halo dezenu ba sentru koresional prizaun Weberek nian, tanba nee husi kompana sei halo dezenu iha fulan 6 too tinan ida nunee bainhira konklui sira sei aprezenta ba ministeriu justisa tanba nee sentru nee importante tebes atu bele eleva tan ema sira neebe hetan ona desizaun definitivu iha tribunal atu sira bele halo atividade produtivu ruma iha sentru koresional weberek nian.
“sentru nee lokaliza iha fatin ida neebe estratejiku tebes okupa rai besik 100 hektares fatin ida nee ita halo atu bele fo mos formasaun ba ita nia prizioneiru sira atu sira bele hasae sira nia abilidade no sira mos bele eleva tan sira nia konesimentu iha formasaun vokasional balun neebe karik iha utilidade ba prizioneiru sira atu forma sira atu labele han toba deit maibe sira mos bele kontribui ba atividade pordutivu balun ba sira nia an maibe mos ba servisu prisionais nian atu wainhira too tempu sira halo reintgrasaun sira bele iha ona konesimentu balun ba sira nia an rasik no sosiedade nebe sira reintegra ba” dehan Ministru Justisa Sergio Hornai ba jornalista sira iha Ministruj Justisa Kaikoli, (14/04).
Ministru Justisa Sergio Hornai dehan tan, kompana ida husi Indonesia hamutuk ho nia parseiru ida husi timor sira halo ona atividade lubuk ida iha Indonesia tanba nee sira mak kompana vensedor atu halo projeitu nee, nunee orasamentu ba prepara $196 mill resin prosesu sira neebe estipula ona iha kontratu nee sei lihusi nia faze sira neebe asina ona no sei lori ba komisaun nasional aprovizionamentu hodi nunee bele halo fiskalizasaun previa iha tribunal kamara das kontas nian.
“prazu da dezenu sei halo iha fulan 6 ita hotu hein katak buat hotu sei lao diak lalais liu diak liu, mais ohin hau iha hau nia intervensaun dehan halo ho neineik maibe tenke kualidade atu nunee dezenu nee bele reprezenta duni termu referensia sira neebe guarda prizionais dezena tiha ona atu espasu sira nee konvinente hodi sira bele uza ba ita nia sentru refere” dehan Ministru Justisa Sergio Hornai.
Enkuantu, Diretór Kompaña Mojes Entreprais Unipessoal, Lda, Acacio de Jesus dehan, sira halo parseriu ho kompaña internasionál PT Sankuriang tenta kumpri tempu ne’ebé deside ona husi kontratu hodi hala’o projetu ne’e rasik, maibe karik laiha koordesaun di’ak entre ministeriu balun no nain bá projetu mak sei hetan intervensaun bá tempu ne’e rasik, tanba prazu tempu iha projetu ne’e fó sai katak sei iha fulan neen ka loron 180 dias, sira tenta para atu kumpri tempu ne’ebé sira fó, karik iha intervensaun esternal husi nain ba projeitu mak sira sei halo koordenasaun ba nain projeitu sira.
“iha dezafiu iha rua deit nee fator internal deit tanba iha projeitu nee sei inklui mos ministeriu obras publika no ADN sira karik durante projeitu nee halao tanba sira sei halo revizaun ba dezenu nee karik koordenasaun la diak bele inteven tempu nebe tau ona, segundu maka ba iha pagamentu no administrasaun karik rua nee mak ami halo koordenasaun ba nain projeitu nee la dun diak entaun bele iha intervensaun ba tempu nee rasik” dehan Diretor Kompana Acacio de Jesus.
