Reportajen estajiariu Isác Nidio Sarmento
Timor Appraisal, Lda halo lansamentu bá sira-nia kompaña iha edifisiu TWIH Lecidere Dili, nune’e liuhusi lansamentu ne’e halo introdusaun bá kompaña nia ezisténsia atu garante kreditu ne’ebé lais liu bá setór pribadu, setór públiku no kliente individuál sira, liuhusi kolaterál ne’ebé mak iha kliente sira bele hetan kreditu ne’ebé mak seguru liu.
Asesór Timor Appraisal Antonio Vitor dehan, kompaña ne’e rasik hanesan kompaña primeiru ne’ebé mak eziste iha Timor-Leste hodi bele fó kreditu bá kliente sira ne’ebé iha inisiativa atu halo investimentu ki’ik ruma no mós investimentu ne’ebé boot, tanba dalabarak ema balun iha interese atu foti kreditu maibé ho durasaun tempu ne’ebé naruk tebes halo kliente sira sente la satisfeitu, nune’e liuhusi Timor Appraissal nia ezisténsia bele fó garante katak kliente sira bele hetan kreditu ne’ebé lais liu, nune’e kompaña sei servisu hamutuk ho setór pribadu, setór públiku, setór bankaria sira ho mós komunidade sira bele sai hanesan parseiru ne’ebé di’ak.
“tanba ita haree bá prosesu hanesan ha’u-nia esperiensia hanesan uluk sei iha banku prosesu ne’ebé la’o kleur, kliente lakon satisfeitu, proposta ida lolos bele halo iha fulan ida nia laran bele sai fila fali fulan haat, fulan lima, fulan neen balun bele sai too tinan tanba prosesu sira hanesan ida nee iha nasaun seluk ne’e ema iha instituisaun espesifiku ida mak halo” dehan Asesór Timor Appraisal Antonio Vitor iha Casa-Europa Lesidere, (16/04).
Asesór Timor Appraisal Antonio Vitor dehan tan, Timor Apprasial sei sai hanesan empreza ida hodi sai ekosistema bá iha dezenvolvimentu liu-liu iha area iha finanseira ho bankaria nian, nunee halo fasil ema sira neebe iha interese atu halo kreditu, nune’e negosiante ki’ik sira mós bele foti kreditu no kliente sira ne’ebé atu foti kreditu kompaña sei fasilita maibé tenke iha propriedade ne’ebé sai hanesan garantia bá kompaña hodi bele oferese kreditu ne’e bá kliente sira, tanba ne’e sasan sira hanesan, rai, uma no mós propriedade sira seluk sei sai hanesan kolaterál obrigatoriu ida hafoin kompaña bele oferese kreditu.
“ami iha periodu ida que fulan ida nia laran ne’e bele fó hanesan penawaran jasa ne’ebé que di’ak liu hanesan introduz, aban-bainrua kuandu bá oin hakarak ka lakohi aban-bainrua sei iha, por ezemplo hanesan kolega aprezenta iha Indonesia ne’e atu foti to’o nilai $700.000 nee banku sentrál obriga dehan tenkeser iha apresiasaun ne’e laiha sira labele foti kreditu iha banku, banku labele fó kredit sé laiha apresiasaun ne’e obrigatoriu mais ita iha ne’e seidauk iha maibé di’ak liu hanesan ohin fasilita lai servisu halo introdusaun ita komesa familiariza ita-nia aan ho servisu ida ne’e, aban-bainrua kuandu ita-nia ekonomia ne’e modernu liu boot liu ita presija ona buat ne’e para asegura risku sira ne’ebé que iha” konklui Asesór Timor Appraisal Antonio Vitor.
