Reportajen David da Costa Gusmao
Relasiona ho governu husu Arte Moris sai husi fatin ne’ebe durante ne’e sira uza hodi halao atividade artístiku nian, Diretór Ezekutivu Forum Organizasaun Naun Governmental (FONGTIL), Daniel Santor do Carmo hateten edukasaun hanesan libertadór, ne’ebé joven kreativu iha Arte Moris, ne’e mak komunga duni prinsípiu husi edukasaun, depois estuda halo buat ruma para kria kampu de servisu, ba ema no kria serbisu ba sira nia-an rasik, loloos estadu haree ba ida ne’e.
“Sira estuda rasik, kria kampu de servisu ba ema no kria servisu ba sira nia-an rasik, ida ne’e loloos ita presiza ema hanesan ne’e, maibe estadu la haree ba ida ne’e, entaun estadu kiak iha pensamentu,” dehan Daniel ba jornalista sira, iha arte moris, Sesta 03/12.
Nia mós informa fatin ne’e atu fó ba Konsellu Veteranu sira, uluk halo funu no luta ba ukun rasik-an no sira iha direitu atu hetan fatin estratéjiku, hodi kontinua sira nia misaun atu kontribui ba nasaun,
“Atu halo ezemplu deit, iha eis dolok Colmera ne’e ita nia Konsellu Veteranu munisipiu Dili mak tau hela kuadru iha ne’ebá, sentru hanesan Taibesi Konsellu Veteranu sira mak utiliza, agora Arte Moris tan”, haktuir nian.
Iha parte seluk mós FONGTIL preokupa ho Sekretáriu Estadu Arte no Kultura ( SEAK), tanba la hatene planu no se mak sai ninia parseria.
