Reportajen husi ekipa Klinika Jurnalismu UNTL-UNESCO
Ponte diresaun husi Bairo-Pite ba Ailok-laran kotu, difikulta komunidade Ailok-laran ho transporte publiku 07 no transporte privadu labele halo movimentu ho di’ak.
Komunidade KafaKal hateten, ponte kotu kauza husi inundasaun 4 Abríl, no joven sira iha Aldeia Moris ba Dame iha inisiativa halo dalan provizóriu nune’e bele fasilita komunidade ho transporte públiku, privadu bele halo movimentu, maibe realidade ponte ne’e kotu total fila fali
“Ami joven rasik nia inisiativa buka dalan alternativu, hodi halo movimentu transporte publiku ho di’ak ao mesmu tempo ba transporte privadu no mós komunidade sira, maibe agora kotu fila fali,” hateten Kafakal ba estudante Comunicação Sosial UNTL, iha Ailok-laran, Kinta (9/12/2021).
Alende ne’e nia relata, Kompañia SEGUE-RAU manan tiha tender hodi hadia ponte ne’e, maibé tuir loloos kompañia halo ponte ne’e iha loron 20 Setembru tenke remata, maibé até agora la finaliza, nune fo impaktu bo’ot tebes ba transporte públiku Mikrolet 07, taxi no transporte privadu no la seguru ba labarik ki’ik sira atu lao.
Iha fatin hanesan Dulce da Costa Cortereal hato’o sentimentu triste tanba ponte kotu, halo komunidade sira la satisfás, nune sira rekomenda ba governu atu aselera lalais ponte ne’e.
“Ami husu ba Governu atu aselera lalais ponte ne’e, atu nu’une ami bele halo movimentu transporte ho di’ak,” nia informa
Entretantu tuir observasaun husi Estudante CS-UNTL iha terenu nota katak, ponte kotu ne’e fo impaktu bo’ot tebes ba komunidade sira, no transporte sira halo movimentu, tanba dalan klot no estrada kuak barak.
*(Carla Borges, Berta Gloria, Ivonia Mendonça, Luzia Rego, Luis Viegas, nu’udar estudante UNTL ne’ebé partisipa iha formasaun klínika jurnalizmu UNTL-UNESCO).
