Reportajen Umbelina dos Reis
Centro Nacional Chega! (CNC) tinan ne’e hetan fiar hosi Ministériu Edukasaun Juventude no Desportu (MEJD), hodi halo avaliasaun ba kurríkulu 2 Siklu ba matéria Edukasaun, Sidadania no Direitus Umanu.
Diretór Ezekutivu Hugo Maria Fernades hato’o hahú avaliasaun rapida ida ba implementasaun kurríkulu 3° Siklu ho eskola ensinu sekundária, aleinde ne’e informa mos ba relatóriu ne’ebé submete ona iha tinan 2019, “tinan ida CNC! mos hetan pedidu hosi MEJD atu halo avaliasaun kuríkulum 2° Siklu nian”, hatete Hugo.
Nia informa fulan oin mai bele submete relatóriu ne’e hodi bele atualiza konteúdu matéria iha ensinu 2° Siklu nian hanesan Edukasaun, Sidadania no Direitus Umanus, nune’e sei hametin liu tan ensinu sekundáriu nian.
