Reportajen David da Costa Gusmao
Sala Litura Xanana Gusmão (SLXG) ho Centro Nasionál Chega (CNC) halo kompetisaun konaba jornál parede ba iha Eskola Ensinu Sekundariu jerál no privadu sira. Ho tema “Memoria moruk no nakukun sira mak Timor oan hasoru iha pasadu durante luta ba ukun rasik an sai hanesan lisaun ba ita atu aprende hodi prevene labele repete tan iha futuru mai”.
Iha eventu ne’e Koordenadór operasionál Sala Litura Xanana Gusmão (SLXG), Manuel Eliseu R. P. Soares dehan SLXG hetan konfiansa husi Centro Nacional Chega (CNC) hodi organiza konkursu jonál parede ba tinan 2021-2022. Ba konfiansa traballu ida ne’e Sala Leitura hanoin katak previleiju bo’ot ida atu ezerse nia responsablidade ba dalan ida tan hodi hakbiit estudante sira nia badaen matenek kona-ba halo peskiza, kolekta no hakerek liu husi konkursu jornal parede.
Nia salienta ba programa konkursu jornál parede ida ne’e oportunidade diak no uniku tebes atu tulun estudante sira hodi holo peskiza, kolekta no hakerek istória husi ema bai-bain nia kona-ba sira nian dedikasaun luta libertasazinun hasoru okupasaun Indonesia.
“Iha konkursu ida ne’e importrante tebes ba ita nia alin estudante sira, atu komprende diak liu tan oinsa atu hakerek istória husi ema bai-bain nia kona-ba sira nian dedikasaun luta libertasazinun hasoru okupasaun Indonesia nian”, haktuir Koordenadór operasionál Sala Litura, Manuel, iha edifisiu SLXG lisidere, sexta 7/01.
Ba konkursu jornal parede ida ne’e Sala Leitura hanoin no konsidera katak programa alternativu uniku ida atu prezerva no promove mos ema bai-bain sira nian istória luta passadu atu labele lakon, nu’udar eransa patrimoniu ida ba jeraun sira tuir mai.
Nia dehan kompetisaun jornál parede ida ne’e hetan apoiu orsamentu husi Centro Nasionál Chega (CNC) ho montante 10 mil.
Iha fatin hanesan estudante husi eskola Sekundaria kolejiu Imakulada Konsisaun Ermera, urgullu bainhira hetan fiar husi eskola hodi mai tuir kompetisaun konaba jornál parede ida ne’e no bele hakerek istoria Timor nian. Husi kompetisaun ida ne’e mós bele kapasita ema ida-idak nian konaba oinsa atu bele hatene istoria Timor nian iha pasadu ne’e.
“Hau sente urgollu tanba eskola bele tau fiar mai ami hodi partesipa iha kompetisaun ne’e. Husi kompetisaun ida ne’e ami mós bele hakerek istória Timor nian ne’ebé sai hanesan ita nia istoria rasik iha ita nia rain. Istoria sira ne’e ami tun direta ba iha terenu hodi koleta informasaun sira, ami ba halo entervita, ema baibain laos nivel aas maibe sira mós partesipa iha prosesu luta libertasaun Timor nian no mai sai sasain no sobrevivente ba iha akontesementu ne’e. Husi kompetisaun ida ne’e hau bele aprende no kapasita hau nia an diak liu tan iha futuru”. Nia espresa.
Iha kompetisaun jornál Parede ne’e partesipa husi eskola ensinu sekundariu jerál no privadu sira iha Dili no Munisipu sira mak, eskola ensinu sekundaria Anur Dili, eskola kolejiu saun Miguel Arkanju Dili, eskola Kolejiu Imakulada Konsesaun Eremera, eskola Sekuindaria jerál Konisanta Gleno Eremera no eskola Sekundaria jerál 01 Laulara Aileu.
