Reportajen Zevonia Vieira
Ministeriu Saude relata tan kazu Dengue ba loron 11 Fevereiru sae ba 1967 no kumulativu obitu ka mate nain 30, no maioria deteta iha munisípiu Dili ho total 1254 kazu.
Tuir dadus husi Ministeriu Saude (MS) hatudu katak Munisípiu Manatutu ho kazu 132, Ermera ho kazu 85, Baucau ho kazu 82, Manufahi kazu 82, Covalima ho kazu 68, Lautem ho kazu 63, Liquica kazu 51, Aileu ho kazu 46, Viqueque 44, Bobonaro ho kazu 30, Ainaro ho kazu 27 no RAEOA ho kazu 3. Em jeral kazu Dengue espalla ona iha territóriu Timor-Leste laran tomak.
Dadus husi fulan Dezembru 2021 kazu komesa aumenta ho total 225, maibe iha fulan Janeiro 2021 kompara ho fulan Janeiro 2022 kazu barak liu ho total 1365 kazu. Iha posibilidade kazu sei aumenta iha semana hirak tuir mai no iha fulan Fevereiro nia laran.
Municipio Dili nafatin rejistu kazu ne’ebe a’as iha Primeira semana – Sétima Semana fulan Fevereiro 2022, ho total 1254 kazu. Hare ba kada loron kazu aumenta bebeik husi Munisípiu Dili.
Idade mais afetado mak husi idade menus husi 14 anos mai kraik ho grupu edade 5 – 14 ho porsento 42,1% no edade 1 – 4 ho persentagem 36,5%. Ho ida ne’e Attack Rate (AR) idade 1-14 anos a nivel Nacional ho 0.35%.
Posto Administrativu Dom Aleixo relata kazu a’as liu husi Posto administrativos hotu ho total 666 kazu iha primeira semana – Sétima semana fevereiro 2022, hafoin tuir husi Posto Aministrativo Cristo Rei 262 kazu, Nain-Feto 148 kazu no Vera-Cruz 142 kazu. Kazu obitos iha inicio tinan 2022 ate a data ho total 30 obitos ida ne’e representa Case Fatality Rate nivel nasional ho porsento 1,5%.
To’o ohin loron sétima semana fulan Fevereiro 2022 Posto administrativo Dom Alexo relatakazu total 666, hafoin Posto Administrativo Cristo Rei ho 262 kazu. no tuir kedan posto administrativo Nain Feto 148 kazu no Vera-Cruz ho total 142 kazu, ne’e hatudu katak kada dia kazu espalha nafatin ba iha posto administrativo sira seluk.
