Reportajen Joanina Casemiro
Komisaun Nasionál Eleisaun (CNE) serbisu hamutuk ho Media Nasionál sira, hodi fó sai informasaun lolos ba audiénsia sira kona-ba debate kandidata Prezidente iha Períodu 2022-2027.
Iha aprezentasaun ne’e Diretór CNE, Adão Soares parte televizaun sei aprezenta deit informasaun jerál liga ho debate nian hanesan CNE no Organizasaun independente ho kompeténsia, hodi asegura tratamentu ne’ebé hanesan hodi konstante liu-liu utilizasaun meius komunikasaun sosiál, hodi halo kampaña no propaganda polítiku.
“Debate ne’e nu’udar parte integrave ida husi kampaña eleitorál, no mos programa edukasaun sívika ne’ebé sai hanesan pillar importante ba Komisaun Nasionál Elisau nian,” dehan Diretór CNE ba jornalista sira iha salaun Laline-Lariguto Kolmera, 19/02.
Nia dehan sei la autoriza reprezentante kandidatu sira atu reprezenta kandidatu sira hodi tuir debate
“Formatu debate sei halo dala ida deit kandidatu 16 iha momentu ne’eba, ami sei realiza iha loron 2 Marsu iha hotel ida ne’ebe sei deside”, dehan Diretór CNE
