Reportajen David da Costa Gusmao
Institutu para a Defesa dos Direitos da Criança (INDDICA), Rede Advokasia Direitu ba Labarik ho nia parseiru hotu, ne’ebé serbisu ba direitu no protesaun labarik, bandu partisipasaun labarik hotu iha kampaña eleitóral hodi asegura sira-nia direitu.
Konstituisaun RDTL no Tratadu sira kona-ba direitus labarik nian ko’alia kona-ba papél família, komunidade no estadu atu halo protesaun, dezenvolvimentu no promove partisipasaun labarik iha moris públiku nian.
“Hanesan ita hotu iha konstituisaun RDTL dadus husi konvensaun diretu labarik ne’ebè ratifika iha 2003 ko’alia konaba diretu labarik nian. Ita hotu hanesan família, komunidade no estadu iha papél importante atu fò protesaun, dezenvolvimentu, promove partisipasaun diretu labarik sira nian,” dehan Prezidente Instituto para a Defesa dos Direitos da Criança (INDDICA), Dinorah Granadeiro liuhosi press konferénsia iha MSSI kaikoli, Kinta 24/02.
Nia haktuir iha festa demokrasia ba dala 5 ne’ebè besik daudauk ona tuir oráriu CNE nian, kampaña sei hala’o iha semana oin fulan Marsu ho ida ne’e bandu partisipasaun labarik hotu-hotu Iha Kampaña eleitorál hodi asegura sira-nia diretu. Tanba rejultadu monitorizasaun husi CDC ho parseiru sosiedade sivil iha moments ne’ebà, iha dadus hatudu katak labarik sira involve ho nùmeeu ne’ebè aas iha nivel eleitorál hotu.
“Ami nia hanoin fenomena ida ne’e ita tenki haree Hanesan Situasaun importante ida tanba kampaña husi kandidatu sira ne’e maka ùniku dalan festa demokrasia ita hatene katak akontese sempre iha mobilizasaun massa sira,”tenik nia
Nia salienta husi públiku sira mós Menus koñesimentu konaba diretu labarik sira iha partisipaun politika ne’e mòs Hanesan valores ida atu fò espasu ba familia, sosiedade, militante sira mobiliza labarik sira atu partisipa iha kampaña.
“Ho ida ne’e ami nia papél atu fó ami nia hanoin no koñesimentu ba entidade hotu atu labele utiliza labarik sira iha tempu kampaña. No labarik labele partisipa iha kampaña, durante prosesu aprendizajen. labarik sira Kuidadu imi nia isin lolon, no karik sai vítima violénsia brani hodi informa ba inan-aman ka ema adultu seluk,” esplika nia.
Ho ida ne’e husu ba media no komunikasaun públiku hotu tenke kontinua halo kobertura imparsial no kritìku kona-ba partisipasaun labarik durante periòdu kampaña.
