Reportajen Calisto dos Santos Oqui
Kandidatu Prezidente Republika, númeru sorteiu 12, Virgilio da Silva Guterres ‘Lamukan’ halao nia kampaña ho métodu diálogu ho komunidade sira iha munisípiu Viqueque, iha loron 7 Marsu.
Liuhusi diálogu ne’e Lamukan esplika ba joven sira ne’ebe partisipa iha diálogu ne’e katak sekarik eleitu nu’udar Prezidente Republika mak, tau prioridade ba asuntu juventude, tanba juventude nu’udar xave ba unidade nasionál
“Agora hau nia maun sira mos dehan mean baku fila, no mós mutin baku fila. Hau hakarak fó hatene ba juventude katak, demokrasia elisaun jeral, atu parlamentu ka prezidensial laos futu manu, ita halo politika ba rai nian laos futu manu, ita ba manu futu ne’e tenke fiar katak fila ho manu futu, maibe politika Timor laos hanesan ne’e”, dehan Lamukan, iha Viqeuqeu vila.
Nia mos dehan sekarik eleitu ba Prezidente mak sei rekomenda ba governu, atu eleba Sekretariu Estadu Juventude no Desportu sai Ministeriu, nune’e bele aloka orsamentu ne’ebe sufisiente ba juventude sira.
Nia mos dehan iha tempu eleisaun komesa uza joven sira, hodi hakilar, hodi harame sira nia eleisaun, maibe kaer tiha ukun fo sala ba joven sira katak sira mak halo problema
“Ķarik fó fiar sai Prezidente garante fó espasu livre ba juventude hodi espresa sira nia talentu, sira ne’ebé mak gosta musika halo banda hodi kanta, hodi aprezenta laos to’o seremonia boot mak bolu artista sira mai husi Indonesia, maibe ita nia juventude sira mak sai penonton iha rai ida ne’e”, dehan Lamukan.
