Reportajen Santina Lucia da Costa
Prezidente Republika, Francisco Guterres Lú Olo, preokupa taxa partisipasaun menus, ida ne’e failla husi CNE ninia no mós husi governu halo eleitores 300 ital mil votantes la tuir eEleisaun Prezidensial (ELPREZ) tinan ida ne’e. No husu Komisaun Nasional Eleisaun (CNE) ho Sekretariadu Tekniku Administrasaun Eleitóral presija hadia ba eleisaun segundu ronde.
“Taxa partisipasaun menus, portantu ida ne’e failla husi CNE ninia no mós husi governu halo eleitores 300 ital mil votantes la tuir eleisaun. Agora kandidatu rua hakat ba segundu ronde, CNE ho governu presija hadia.” Hateten, Xefe Estadu, Francisco Guterres Lú Olo, ba Jornalista sira iha Palasiu Prezidensial Nicolau Lobato, Bairu-Pite, 22/3.
CNE ho STAE nia failla no mós governu nian hotu, presija buka hadia nafatin para atu lori eleitores sira ne’e hotu para ezerse nia direitu votu iha segundu ronde.
Entretantu hanesan mós Kandidatu Prezidente Republika ba periodu 2022-2027 ho númeru sorteiu 6, Francisco Guterres Lú Olo, husu ba CNE ho STAE no mós governu nian hotu, presija buka hadia nafatin para atu lori eleitóres sira ne’e hotu para ezerse nia direitu votu iha segundu ronde.
Kandidatu PR Lú Olo simu rezultadu eleisaun Prezidensial tinan 2022 ne’elori nia okupa iha numeru daruak, governu liuhusi CNE ho STAE realiza hatudu katak, iha Primera ronde kandidatu Prezidente Republika ho Numeru sorteiu 14, José Ramos Horta nia votus liu ka manan okupa iha numeru Dahuluk.
Maibé kandidatu PR Lú Olo, dehan, rezultadu votasaun ne’e posibilidade sei avansa ba segundu ronde no nia parte preparadu atu Kompete ho Horta.
“Demokrasia ninia lala’ok hanesan ne’e duni, naturalmente agora hakat ba segundu ronde, kandidatu mais votadu hakat fila-fali ba atu haree. Se mak ba konkore ne’e nia tenki aseita manan no tenki aseita lakon.” Tenik, Lú Olo.
No Kandidatu PR mai husi Partidu FRETILIN ne’e, dadaun ne’e halo ona negosiasaun politika ka komunikasaun ho partidu iha governu mak hanesan, KHUNTO, PLP inklui kandidatu sira seluk ne’ebé lakon iha primeira ronde hodi fó apoiu iha segundu ronde.
“Kandidatu sira ne’ebé mak lakon, sira ida ne’ebé la tuir segundu ronde ne’e sira hotu hetan kontaktu. Sei koalia apartir sura votus hotu, horseik komesa ona, ohin, aban kontinua nafatin, balun kontaktu konsensu iha ona.” Dehan, Lú Olo.
Nia hateten, sempre iha garantia atu manan, agora rezultadu mak depois haree, ita kandidatu mak ba dehan lakon tiha uluk ne’e lalika kandidatu tanba ne’e mak hatete iha garantia atu manan duni.
Nia salienta katak, Kandidatu ne’e la’os manu para atu futu, kandidatu ne’e atu ba para ezerse nia funsaun aas teb-tebes iha estadu nian.
