Reportajen Francisco Colo
Youth for sustainability Alliance (YFSA) hamutuk ho UN Women fasilita treinamentu Dijitál Literasia no Igualdade Jéneru ba estudante Universidade da Paz (UNPAZ), hodi hasae koñesimentu joven sira nian iha era mundu globalizasaun nian,ne’ebé suporta husi UN WOMEN no Australia Aid,iha salaun UNPAZ.
Vice Reitór Asuntu Akadémiku UNPAZ, Joanino Xavier iha abertura treinamentu hateten espera husi treinamentu sira ne’e bele fo koñesimentu literasia dijitál ba estudante sira , no fo pozitivu diak ba estudante sira.
“Ami fiar husi treinamentu sira ne’e bele fo konesimentu literasia ba estudante sira hotu atu bele hafasil ita bot sira hotu atu nune’e bele hafasil konversa ho kolega sira halo serbisu tanba ne’e ha’u enkoraja kolega sira atu uza oportunidade ida ne’e ho diak liuhusi treinamentu literasia.” Dehan vice Reitor asunto Akademiku UNPAZ iha salaun UNPAZ,Dili 02/04/2022.
Iha fatin hanesan Reprezentante UN Women, Helio Miguel iha abertura hateten iha tinan 2018 ami halo estuda badak ida ho universidade sira kolia ho feto 100 resin iha Dili laran, peskiza ne’e atu hare feto sira nia seguransa iha online no off line iha asédiu seksuál no asaltu sexual, no husi 100 resin la sente seguru iha ambitu universidade, entaun ida ne’e hamate tebes kolega feto sira tanba laiha espasu la seguru ba sira.
“Parte ida husi treinamentu literasia ida ne’e fo espasu ba foin sae sira, ohin kolega sira rona sira husi youth for sustainability alliance sira lidera atividade ida ne’e, no konsege kolia ona ho juventude sira kuaze 200 resin lha munisipiu 4, husi treinamentu ne’e, kolega sira husi UNPAZ kontinua fo advokasia ba literasia dijital halo mudansa ba ita nia komunidade komesa husi ita nia família” informa Helio Miguel
Iha fatin hanesan Koordenador Youth for Sustainability Alliance (YFSA), Joanita Antonita Pinto ita aprende hamutuk, depois de finaliza saida mak ita boot sira atu halo liuliu ba iha UNPAZ ita boot sira mos bele halo advokasia no partilla tutan ba ema seluk, tanba era dijital ita mak tenki sai ajente ba iha lia lo’os.
partisipasaun ba treinamentu hosi estudante UNPAZ ho total 108, antes ne’e husi ekipa YFSA ho voluntariu fó ona treinamentu ne’e iha munisípiu Manatuto, Ermera, Likisa no Dili hodi hasae koñesimentu foin sa’e sira nian.
