Reportajen David da Costa Gusmao
Tuir dadus ne’ebe relata hosi Diresaun Nasionál Saúde Publila (DNSP) no Departamento Vijilansia EpidemiolojiaMinisteiru Saude (MS) nian, iha loron 3 Abril, ne’ebe Neon Metin asesu katak ohin MS kontinua rejista kazu dengue Foun 19, no totál akumultavu kazu dengue 3,894 no ema mate ba dengue hamutuk 48.
“Ohin loron dia 03 Abril de 2022 iha kazu dengue foun 19. Kazu dengue foun ne’ebe relata iha loron ohin mai husi Munisípiu Dili. kazu dengue akumulativu hamutuk 3.894 no kumulativo obitu nain 4. maioria kazu dengue ne’e deteta husi Municipio Dili ho total 2589 kazu,” dehan iha komunikadu ne’ebé Neon Metin asesu iha loron Domingu 3/04.
Tuir tan kazu dengue ne’ebé boot maka Munisipiu Baucau hamutuk 239, Manatutu ho kazu 172, Manufahi kazu 159, Lautem ho kazu 148, Covalima ho kazu 126, Liquica kazu 109, Ermera ho kazu 107, Aileu ho kazu 87, Viqueque 64, Ainaro ho kazu 45, Municipio Bobonaro ho kazu 44, no ikus Reijaun Administrativa Espesiál Oe-cusse Anbeno (RAEOA) ho kazu 5.
Em jeral kazu Dengue ne’e espalha ona iha territorio Timor Leste laran tomak. No Iha fulan Dezembro 2021 kazu komesa aumenta ho total 225, maibe iha fulan Marsu 2021 kompara ho fulan Marsu 2022 kazu barak liu ho total 1192 kazus.
“Idade mais afektadu mak husi idade menus husi 14 anos mai kraik ho grupu idade 5-14 ho 42,4% no idade 1- 4 ho 35,5%. Ho ida ne’e Attack Rate (AR) idade 1-14 anos a nivel Nacional ho 0.6%,” Tenik iha komunikadu ne’e.
Nune’e mós iha distribuisaun kazu dengue tuir klasifikasaun mak Dengue Fever (DF) ho total 2.159 kazu, Dengue Hemorrhagic Fever (DHF) ho total kazu 295 no Dengue Shock Syndrome (DSS) ho total kazu 135.
