Reportajen Francisco Colo
Ministru Agrikultura no Pescas (MAP), Pedro Reis hatete iha ona planu sei halo reabilitasaun ba irrigasaun sira iha futuru hamutuk ho parseiru dezenvolvimentu sira .
“Irrigasaun hahú husi governu anterior to’o ohin loron ita halo reahabilitasaun ba irigasaun lubuk ida hamutuk ho ita nia parseiru dezenvolvementu sira hanesan foin daudauk loron 4 Abríl kuaze Dili laran mota sa’e no at liu tan iha Postu Laklo Munisípiu Manatuto kuaze natar hektares mill 180 hektares to’o ohin loron ita iha ona fudnu infraestrutura ita submete ona ita nia dadus sira ne’e hotu.’dehan Ministru Pedro Reis iha palasiu prezidensial hafoin remata enkontru iha Aitarak laran Dili, 29/07
Nia hatutan planu ba oin tenke halo reabilitasaun, tanba sistema irigasaun sira ne’e ita depende ba udan been, ami ko’alia ona ho Xefe Estadu no Primeiru Ministru no ba futuru tenke halo barajen.Tanba ita nia irigasaun sira ne’e ita halo depebde de’it udan been maibé bainhira udan para irigasaun labele funsióna tanba debit bee la to’o, maibé ita halo barajen kultivasaun udan been.
“Ha’u fiar katak ho ita demanda perminta an nasionál 131 toneladas pur anu ba iha populasaun iha Timor laran tomak, agora tinan 2022 ita atinji ona 85 ha’u fiar katak iha ona barajen fatin balun ita bele kolleta dala rua, ita bele sai husi situasaun ida ne’e, tanba Timor la’ós konsumu foos de’it.” Nia informa
Nia dehan MAP halo irrigasaun 8 no kompletu tiha ona, no balun prosesu to’o ona 60%, no agora iha irrigasaun boot rua ida iha Galaka ho orsamentu $11 milloens kompañia manán na’in iha tiha ona hein asina kontratu, ida iha Laivai ho orsamentu montante $7 ou $8 milloens hein atu implementa de’it.
