Reportajen Joselina dos Santos
Autoridade Suku Riheu Postu-Administrativu Ermera, Munisipiu Ermera husu Governu, atu tau atensaun ba Agrikultura iha Postu-Administrativu Hatulia, tanba akontesimentu udan no anin boot iha loron 4 Abril 2021, estraga irigasaun no natar balun, nune’e Asembleia Municipal Ermera husu atu halo konstrusaun ba irigasaun no halo konfirmasaun ba mota sira ne’e, tanba sei fó ameasa ba Postu-Administrativu Hatulia nia natar.
Xefe Suku Riheu Postu-Administrativu Ermera, Munisipiu Ermera, Felixberto Soares M. Ximenes hatete, Ermera-Vila iha tinan 2020 Ministeriu Agrikultura planeia hela reabilitasaun kafe 36 hektares ne’ebe hakarak atu hadia kualidade kafe, tanba vizaun katak iha tinan 2030-2035 kuandu nasaun ne’e mina maran, tenke investe fali plantasaun sira tanba ne’e husu atu tau prioridade.
“Reabilitasaun kafe iha ona orsamentu husi governu mak halo por hektares 322 ba kafe na’in-sira, maibe atu hadia manutensaun mak sai dezafius, tanba ita kompara tinan lima kafe na’in hakarak reabilita nia kafe hein to’o tinan tolu, ka to’o tinan neen”, dehan Xefe Suku Riheu Postu-Administrativu Ermera, Munisipiu Ermera, Felixberto iha Dialogu Ambitu Komemorasaun Direitus humanus, iha Salaun Hotel Luz Clarita, 09/11.
Nia dehan tuir loloos governu aloka orsamentu ba agrikultura tenke másimu, tanba nia pakote integradu haat mak hanesan peskas, pekuaria, hortikultura no mos agroflorestal, tanba Ermera iha Asosiaun ortikultura munisipal Ermera, ne’ebe harii rasik husi suka haat iha Gleno, tinan kotuk servisu hamutuk ho parseiru Australia halo esportasaun hodi kuda modo 2,5 hektares, maibe misaun ne’e ladun diak entaun sasan sira ne’e dodok hotu.
