Reportajen Silvino Freitas
Governu liuhusi Sekretáriu Estadu ba Komunidade Timoroan iha Esteriór, ne’ebé lidera husi Vise-Ministeriu Negósiu Estranjeiru no Kooperasaun (MNEK), Julião da Silva sei repatria Timoroan ne’ebé daudaun ne’e abandona iha Portugal ho voluntariamente.
Vise-Ministru Negósiu Estranjeiru Julião da Silva hateten, iha dekretu lei númeru 77 fó kompeténsia ba Sekretáriu Estadu ba Komunidade Timoroan iha Esteriór atu repatria sira fila.
“Iha tempu badak ami sei halo komunikadu imprensa ida, hodi fo sai ba públiku kona-ba rekizitu sira, nune’e bele repatria sira” dehan Julião hafoin reuniaun Konsellu Ministru iha Palásiu Governo, (01/02).
Tuir nia, prosesu repatriasaun ne’e ho voluntáriu tanba tuir konstituisaun RDTL laiha obrigasaun ba sidadaun sira.
