Reportajen David Da Costa
Ofisialmente ohin Prezidente Repúblika (PR),Dr. José Ramos Horta dekreta ona data eleisaun Parlamentár, ne’ebe sei akontese iha 21 Maiu 2023. Data ne’e Xefe Estadu dekreta liuhosi Dekretu Prezidente Repúblika númeru 9/2023, 13 de Fevereiru kona-bá Markasaun data ba Eleisaun Parlamentares.
Prezidente Repúblika (PR) hateten saida maka konstituisaun fó ba Prezidente Republika, maka Prezidente Republika iha responsabilidade ne’ebé maka atu marka data elisaun ba deputadus sira iha Paralemtu Nasional, tenke marak loron ualu nulu antes de elisaun ou loron neen nulu sei iha karik dizolusaun Parlamentu Nasional.
“Hau dekreta fixa ba loron elisaun iha 21 Maiu tinan ne’e, hanesan loron ba realizasaun elisaun ba deputadus sira iha parlamentu nasional. Hau fiar katak hanesan ita nian povu sei mobilizadu ba elisaun parlamentar, hau fiar lideransa politika nasional sei hatene no hetan konsensiu , sei kaer dezisaun ne’ebé hau halo,” dehan Prezidente Republika José Ramos-Horta iha Palásiu Prezidensiál Bairo-Pite, Segunda 13/02.
Iha Dekretu ne’e hateten, konsidera nesesáriu tebes atu marka data eleisaun ba deputadu sira Parlamentu Nasionál nian, rona uluk governu no Partidu Politiku sira ne’ebé hetan asentu iha Parlamentu Nasionál , tuir baze ne’ebé konsagra iha iha alinea c, artigu 86 Konstituisaun Republika Demokratika Timor Leste (K-RDTL).
Nune’e mós iha Konstituisaun Republika Demokratika Timor Leste (K-RDTL), iha númeru 1 artigu 17 hosi Lei Eleitorál ba Parlamentu Nasionál nian ne’ebé aprovada liu hosi Lei númeru 6/2006, 28 Dezembru, publika hikas hosi Lei númeru 5/2007, 28 marsu, Lei númeru 7/2011, 22 Juñu, Lei númeru 1/2012, 13 Janeiru, no Lei númeru 9/2017, 7 Maiu. Dekretu ne’e tama vigór iha data ne’ebé Prezidente Republika halo asinatura no publika iha Jornál Repúblika iha 13 Fevereiru 2023.
