Reportajen Filomena da Conceição
Tuir peskizadora La’o Hamutuk, Marta Da Silva hateten tinan ida ne’e Timor-Leste sei tama tinan eleisaun parlamentár nian, ho nune’e La’o Hamutuk realiza semináriu nasionál ne’ebé ko’alia kona-ba Partidu Polítika sira ne’ebé manan iha eleisaun, no sira mak sei lori Timor-Leste ba oin.
Tanba ne’e semináriu refere importante tebes, atu fahe informasaun ba públiku atu iha diskusaun ba problema no preokupasaun sira relasiona ho asuntu nasionál, agora daudaun Timor-Leste tama ona ba rai mamuk fiskál.
“Semináriu ida ne’e importante tebes oinsá atu hamosu partisipasaun públiku no eleitores sira molok atu deside sira-nia votus, pelumenus bele hatene kona-ba programa sira ne’ebé Partidu Polítika sira fahe, para bele konfirma Partidu Polítika liuliu ba problema ne’ebé liga ba asuntu edukasaun, saude, Ekonómia infrastrutura no asuntu sosiál sira seluk, ne’ebé konfirma molok deside sira-nia votus,”Dehan Marta Da Silva ba Jornalista sira iha Salaun Catedral, tersa 25/04.
Nia haktuir tan, lalika deside sé mak di’ak liu no sé mak aat liu maibé tenke haree ba programa sira ne’ebé mak diak husi Partidu polirikul sira. Nune’e mós asuntu ne’ebé La’o Hamutuk preokupa maka asuntu sosial, tanba ne’e maka realiza seminariu ne’e maka primeiru, dezenvolvimentu produtu ba sustentabilidade ekonómia, Segundu, empoderamentu Komunitariu ba dezenvolvimentu Ekonomia, terseiru , dependensia ba fundu petrileo no Ekonómia Alternativa.
Iha fatin hanesan partisipante estudante Nelson Madeira, hato’o agradese ba La’o Hamutuk nia esforsu hodi relaiza semináriu refere, tanba semináriu ida ne’e di’ak tebes hodi nune’e kapasita Foinsa’e sira liuliu iha koñesementu ne’ebé espesifikamente ba prosesu Dezenvolvimentu rekoperasaun Ekonómia TL.
“Emprinsipiu ha’u sente haksolok tebes hodi partisipa ba seminariu ne’e tanba ida ne’e liga ba situasaun polítika agora, tanba dadaun ne’e polítika nain sira pratika iha sosiedade no sira hotu iha intensaun di’ak atu dezenvolve rai ida ne’e, ne’ebé normálmente sira ko’alia kona-ba kontextu dezenvolvimentu no rekoperasaun ekonómia, maibé pelu kontrariu mak iha prosesu implementasaun no kapasidade de implementasaun ita mukit liu, entaun ita presiza liu ezistensia no kapasidade de implementasaun para depois de hetan fiar husi povu bele ezekuta planu ka programa sira ne’ebé mak sira hato’o iha palku polítiku nian” dehan Nelson.
Entertantu seminariu ne’e relaiza hetan partisispasaun husi, Prezidente AEMTL, Reprezante Akademiku, peskizadora La’o Hamutuk, membru organizasaun sira, autoridade Lokál no estudante Universitariu sira.
