Reportajen Joselina Dos Santos
Asosiasaun Defisiensia Timor-Leste (ADTL) garante katak ema ho defisiénsia sei partisipa iha loron votasaun, ho sosializasaun ne’ebe ADTL halo ba Ema ho Defisiensia, liu-liu membru organizasaun sira ne’ebe halo atividade sosializasaun hodi edukasaun sivika atu Ema ho Defisiensia iha konxiénsia ba vota , nune’e ADTL husu ba STAE hodi kria deit kondisaun iha sentru votasaun, atu asegura sira hodi ezerse votus ho segredu.
Diretor Ezekutivu ADTL Cesario da Silva hateten direitu no dever ema ho defisiénsia iha demokrasia no eleisaun, ko’alia katak ema ida nia direitu tuir loloos laiha seperasaun, atu ema ho defisiensia laos ema ho defisiensia ema hotu iha direitu no dever hotu-hotu hanesan.
“Ha’u koloka ba normas legais sira ne’ebe eziste iha ita nia rai mak Konstituisaun RDTL ne’ebe define ona sidadaun nia direitu, nune’e ita laiha separsaun maske ita governasaun iha ona mudansa, ita opta situasaun sira ne’ebe nasaun dezenvolvidu avansa ita tama iha ne’eba hodi foti kestones hirak ne’e hodi tau aas direitus umanus”, dehan Diretór Ezekutivu ADTL, Cesario da Silva iha salaun Delta Nova kinta, 27/04.
ADTL nia perspetiva no espetasaun tenke enkora ema ho defisiensia, atu partisiapa iha eleisaun maske laiha kondisaun liu-liu papél atu enkoraja no motiva ema ho defisiensia. Ho situasaun ida ne’e ADTL hanoin iha kestaun kondisaun loloos STAE kria kondisaun maske lei ne’e la promulga ezemplu fasilita rampa ne’e la presiza lei, kria deit kondisaun iha Sentru votasaun atu asegura EhD hodi ezerse sira nia sgredu votu.
Ema ho Defisiensia grupu ne’ebe mais vulneravel liu iha sosiedade nia laran, tanba laiha oportunidade hanesan ema bain-bain no la asesu eduksaun ho dignu, nomos ladun partisipa maximu tanba ema ho defisiensia asesu ba Universidade ne’e porsentu ne’ebe kiik liu kompara ho ema la’o defisensia.
Tuir dadus husi Sensus 2015 hatudu ema ho defisiensia iha territoriu hamutuk 38,118 trinta e oito mil dezoito tuir ha’u nia observasaun numeru ne’e sei aumenta, nune’e ita esforsu atu ema ho defisiensia bele partisipa maximu iha parte politika nian tanba atu sai defisensia ne’e laos sira hakarak maibe ne’e kriasaun Maromak nian tanba ne’e husu ita hotu nia kolaborasaun hodi respeita ema ho defisiensia sira.
