Reportajen Umbelina dos Reis
Ekipa Médiku sira iha Hospital Nasional Guidu Valadares (HNGV), ne’ebé fó Assistensia medika ba saudoza Isabel Ferreira hateten matebian sofrement moras kankru, no durante ne’e ekipa médiku hosi HNGV hamutuk ho Hospital Gleneagles iha Singapura halo tratamentu másimu ba matebian nia moras, maibé la konsege salva nia vida, no final nia hakotu iis iha hodi kalan tuku 20:48 iha nia rezidénsia Metiaut.
Liuhosi konferensia imprensa , Portavoz Ekipa médiku hosi Hospital Nasional Guidu Valadares (HNGV), Doutor João Teodoziu Amaral, hateten, Matebian Isabel da Costa Ferreira durante ne’e sira akompaña hela nia sofre moras kankru iha ni-nia intensivu ne’ebé tama ona iha faze termina, nomos matebian durante ne’e hahú halo nia tratamentu iha Gleneagles Hospital iha Singapura hahú kedas iha tinan kotuk iha loron 19 Abríl 2022 maibé la konsege salva.
Nia konta, durante ne’e matebian halo tratamentu ba nia moras iha Gleneagles Hospital Singapura, matebian halo tratamentu kemo terapia, radioterapia no halo mós operasaun ba ninia moras, kuaze tinan ida iha Singapura.
Maibé matebian foti desizaun no deside hakarak fila mai Timor, hodi halo tratamentu iha rain rasik. Durante ne’e mediku sira mós organiza no koordena ho Hospital iha Singapura ho ekipa médiku sira, ne’ebé durante halo tratamentu ba nia.
Depois de halo koordenasaun no organiza halo tratamentu sira komunika direita mós ho Hospital Nasionál Guidu Valdares (HNGV), hodi deside Doutor nain ha’at destaka mai iha matebian nia rezidénsia, hodi kontinua halo tratamentu ba nia moras kankru, mak hanesan Doutór Nendes Pinto espesialista silu daun, Doutor Abilio Oliveira infermeria, no Doutora Olimpia inklui no Doutór João Teodoziu Amaral.
“Durante ne’e ami halo tratamentu iha matebian nia rezidénsia rasik, ne’ebé hetan apoiu maximu hosi Hospital Lenigeis Singapura, sira apoiu kona-ba insumu ai-moruk no iha mós regulamentu ho Lenia Hospital. Sira kontinua halo zoom koordenasaun regular oinsá atu atualiza matebian Isabel nia kondisaun saúde, depois halo tratamentu kuaze fulan tolu iha Timor, infelizmente moras ne’e tama ona iha faze termina, no la konsege responde di’ak ba tratamentu sira fornese ne’e,” dehan portavoz Doutor João Teodoziu Amara,l liu hosi konferensia Imprensa iha Matebian nia rezidensia Meti-aut, segunda 19/06.
Nia esplika, hahú diágnostiku deskobre nia moras kankru iha tinan 2022, nune’e destaka kedas ba iha Gleneagles Hospital Singapura hetan akompañamentu hosi Doutor Mendes no Doutor Abilio ba kedas iha singapura. Foun-foun kuandu halo tratamentu konsege iha mudansa no konsege responde ba tratamentu ne’e.
Maibé hanesan ohin sira temi ona infelizmente moras ne’ebé-ke sofre tama ona faze final, moras ne’ebé Dra. Isabel da Costa Ferreira hasoru ne’e sofre tebes no komesa nia sente iha sinais sintomas bainhira hala’o konsulta iha Hospital Nasional Guidu Valadares (HNGV). Horikalan por volta tuku 20:48 otl, Dra. Isabel da Costa Ferreira hakotu nia i’is iha mundu.
