Reportajen Joselina dos Santos
Ministeriu Agrikultura Pecuária Pescas no Florestas (MAPPF) realiza Seremonia Lansamentu ba batar hibridu Timor, Hare Mean, Koto badak, hodi dezenvolve setór agrikultura iha Timor-Leste no mós ba fini variedade ai-horis sira atu bele aumenta produsaun no haburas agrikultura.
Hafoin Seremonia, Ministeriu Agrikultura Pecuária Pescas no Florestas (MAPPF), Marcos da Cruz hatete, Lansamentu ida atu haree liu ba fini varidade no mós Ai-horis sira, hodi hatudu katak fini ne’e importante tebes, atu bele aumenta produsaun. Nune’e iha ona peskizadôr sira husi MAPPF nian no Lansamentu ne’e halo peskiza durante tinan lima (5) nia laran.
“Dezenvolvimentu fini ne’e liu-liu iha agrikultór sira nia toos, fini ne’ebé iha hanesan fini sertifikadu, Fundasaun, no mós Komersial. Tanba liga ba bee ne’e importante tebes hodi dezenvolve iha setór Agrikultura nian, no sei halo dezenvolve nafatin Irigasaun sira liu-liu iha tempu udan. Tanba iha terenu ne’e ita haree ba natar no toos sira ne’e bee estraga no ita presiza taka. Durante halo hela Irigasaun sira atu nune’e bee labele estraga natar no toos sira”, Dehan, Ministeriu Agrikultura Pecuária Pescas no Florestas (MAPPF), Marcos da Cruz iha salaun Kategral, tersa 24/10.
Nia hatutan sei halo estudu ba barajen sira, tanba iha tempu bai-loron naruk menus bee nomós halo ona estudu a nivel sira liu-liu ba iha fatin sanulu resi-lima (10), iha tinan hirak liu ba fatin tolu mak sai sei kontrui detalladu ba hanesan Mota bee lulik, mota hola rua nomós mota laklo. Alende mós sei halo estudu ba mota sira seluk, nune’e bele halo Irigasaun rezerva no konserva bee.
