Reportajen Filomena da Conceição
Presidente da República José Ramos Horta hateten, orsamentu ne’ebé atu fahe subsidiu saúde ba deputado no konbustivel ba deputadu sira iha orsamentu ne’ebé ho valor bo’ot tanba ne’e Presidente sei ko’alia ho Primeiru Minístru no Presidente Parlamentu, no Presidente iha kapasidade para veta orsamentu ne’e aloka ba deputadu sira.
“Hau iha kapasidade para veta no ha’u sei ko’alia ho maun boot Xanana, portanto ha’u ho konsiensia hau labele simu buat ruma nune’e” dehan Presidente da Repúblika José Ramos Horta ba jornalista sira iha Salaun CNE, Kuarta 29/11.
Nia haktuir, Estadu iha ona orsamentu Jerál do estadu ba saúde, ba ema ne’ebé hetan moras ka kualkuer sidadadun ka deputadu no membru governu sira hodi ba halo tramaentu iha rai liur.
“Agora atu fó 500 dolar por mês, kuandu iha ona orçamento jeral do estadu, liuhunsi Mistério saúde no Solidariedade Social para haruka ema ba liur, depois Mil i tal ba konbustivel ne’e bele halo deputado sira nia naran bele foer aat loos no injustisa bo’ot”, Nia hateten.
Nia salienta, tenke tau prioridade hanesan aumenta orsamento ai-han ba kosok-oan ka bebe no ba inan sira, ferik- katuas no joven sira tanba deputadu sira iha ona vencimentu di’ak.
“Hau nu’udar Presidente kuandu sei ko’alia ho Primeiru Minístru no Presidente Parlamentu para hare’e”, Nia dehan.
Nia esplika, atu hare’e politika espesial ba saúde tenke hare’e ba hotu-hotu hanesan, labele haree ba klase ida, tanba enfremeru no mestre sira iha foho sei kiak hela tanba ne’e labele ba deputadu de’it.
