Reportajen Joanina Casamiro
Be’e Timor-Leste, Empreza Pùblika (BTL, EP), Ohin Asina Kontratu ho Kompaña mana nain Helfia atu halo projetu Melloramentu Sistema Be’e Moos Ba Iha Suco Irabin de Baixo no Suco Uani-Uma, Postu Administrativu, Uatu-Carbau, Munisipu Viqueque ho Osamentu total $ 1.334,472.11.
Prezidente Be’e Timor-Leste, Empreza Pùblika (BTL, EP), Carlos Peloi dos Reis, hateten, ohin asina kontradu ho Kompaña mana nain ne’ebé sei hamutuk no parseiru lokal ida sei ajuda BTL para realiaza projentu Melloramentu Sistema Be’e Moos Ba Iha Suco Rua hanesan Suco Irabin de Baixo no Uani-Uma iha Postu Administrativu, Uatu-Carbau, Munisipu Viqueque liuliu ba komunidade sira. Kanalizasaun ba Be’e moos ne’e sei kagastu Osamentu total $ 1.334,472.11.
“Ohin ita asina kortatu ho Kompaña parseiru lokal ida sei ajuda governu Be’e Timor-Leste para realiza projetu melloramentu Sistema Be’e iha Postu Administrativu Uatu-Carbau, Munisipu Viqueque ami konvida mos Presidente Munisipu Viqueque nian, representa xefe do postu Uatu-Carbau ho xefe suco nain rua 2 Xefe Suco Irabin de Baixo no xefe Suco Uani-Uma partisipa mos iha sermonia asina akordu ho kompaña ne’ebe atu kanaliza Be’e moos ba komunidade sira ne’e”, Dehan Prezidente BTL,EP, ba Jornalista sira iha Salaun BTL.EP, Kaikoli Segunda 25/03.
Nia espilika iha planu katak, oinsa bele liberta uluk sistema Be’e moos iha kapital Postu Administrativu sira iha 49 ital hanesan kapital postu husi munisipiu nian, durante ne’e presenza iha ona kapital Postu 23, ohin asina tan kontratu ida ne’e signifika presenza kapital do Postu ne’e sei hamutuk 24 kapital postu projentu melloramente konklui ona inagura sei iha 20 mak konklui, ohin hamutuk 21 mak sei konklui hela.
” Iha Projeitu ida ne’e besik 1 milaun uma kain, ho osamentu total kuaze 1.3 Milloes Ital hodi realiza projentu melloramentu ida ne’e tanba Maioria la asesu bee moos. Melloramentu ne’e ita halo prova intensaun para monta kontadores mos ba iha uma kain hotu kedas Be’e tama uma monta kontadores depois Be’e Timor-Leste mak sei halo perasaun no manutensaun,” Nia dehan.
Tuir Kontratu ne’ebé asina Kompaña iha obrigasaun atu implementa projentu ne’e durante tinan ida nia laran, ohin asina ona signifika iha 25 Marsu 2025 tenke termina konstruisaun ba be’e moos ne’e. Be’e Timor-Leste sei hamutuk ho autoridade lokal sira hodi haree atu bele fasilita no kompaña para bele halo servisu tuir tempu ne’ebé determinadu. iha Postu tolu mak liberta lo’os hanesan intermu de lori Be’e moos ba to’o uma, agora uza kontadores restu asesu mais seidauk regular maibe sei oras haat ka lima postu tolu mak konsege fórnése Be’e moos 24 oras.
“Agora iha postu 20 ital sei iha prosesu atu kompleta espera iha fulan ida sei inagura tan iha suco ida ka rua espera katak dadaun fokus mak postu no suco iha nivel Munisipu sira konklui ona prosesu deseñu ho detallu hanesan iha munisipiu Baucau, Viqueque, Manufahi, Lautem, no Dili. Governu deside atu kansela imprentim sira ne’ebé iha entaun nu’udar tekniku halo tuir orentasaun politika nian Postu tolu ne’ebé inagura uluk iha tinan kotuk mak, Mehara, Tutuala, Kailkau Ermera, iha tinan ida ne’e mak iha Vemassin Baucau. Liuliu komunidade sira ne’ebé hetan Be’e direitamente husi ami nia servisu ne’e konta dadus BTL nia ne’e tinan kotuk karik iha Teritoriu toma kuaze 34 mill uma kain ho populasaun kuaze 200 Mil ital asesu Be’e moos ona,” Tenki nia
Nia informa Planu estratejia nasional ne’ebe iha, governu nia targetu iha tinan 2030 ne’e ema hotu tenke asesu ba Be’e moos, tanba ne’e BTL sei esforsu fi’ar katak sei to’o iha targeitu sira ne’ebé maka governu nian iha.
Iha Fatin hanesan Direitora Kompaña Briefing Note, Domingas Maria Fatima Ximenes, haktuir asina ona kontratu entre kompaña HELFIA no BTL, servisu ba oin kompaña sei esforsa aan tomak atu halo servisu ne’e ho di’ak liu tuir kontratu ne’ebé asina ona, nune’e kompaña sei esforsa aan servisu ne’e remata tuir tempu ne’ebé harekerek iha kontratu ne’e.
“ami asina ona kontratu ami sei prepara ekipa tekniku sira mos sei prepara iha tempu badak ami sei implementa ona servisu ida ne’e, tanba tempu ne’ebé fo mai ami determina iha fulan 9 to’o tinan ida nia laran, kompaña sei hala’o esforsu tomak atu halo servisu ida ne’e ho susesu, kompaña garante maibé ita haree mos kondisaun iha tereinu, dalaruma ita bele dehan garante fulan 9 bele remata, maibé tun ba terenu sei haree servisu oinsa sei hasoru dezafiu ruma karik, kompaña sei esfora aan nafatin atu halo servisu ne’e ho di’ak atu nune’e bele remata tuir tempu ne’ebé determina,” nia esplika.
Sorin seluk hanesan Xefe Suku husi Irabin de baixo, José Baptista do Carmo, agradese ba programa BTL ne’ebé durante 2022 ba vizita iha postu Uatu-Carbau area suco Irabin de Baixo no suco Uani-Uma iha suco Irabin de Baixo, iha aldeia Betaria Uatudere, Aldeia Hotaria Mahusa, Aldeia Laclohor, sira ne’e durante ne’e la hetan Be’e agradese no kontente bainhira iha tinan ida ne’e nia laran BTL, bele aselera lalais servisu ne’e ba to’o iha kompña atu sira bele hala’o ona obra ne’e komunidade sira bele asesu ona ba Be’e moos.
“Ha’u prontu atu kopera hamutuk ho Kompaña ho BTL, atu hala’o sira nia obra iha ne’eba, atu nune’e komunidade sira ida-idak bele hetan Be’e moos iha sira nia uma. Bee moos ne’ebé agora kompaña atu ba dada ne’e, Be’e naran Uaibati iha area suco Irabin le de Baixo nia area, parte kultura mos ha’u nian fila, tanba ne’e sira prontu atu kopera ho parte administrador ho seguransa ho lian nain kultural sira tur hamutuk para bele resolve problema ne’ebé kualkuer mosu bainhria dada bee moos husi Uaibati,” nia esplika.
