Reportajen David da Costa
Relasiona ho deputadu sira husu atu hola kareta ba Deputadu sira iha Parlamentu Nasionál (PN), Presidente Repúblika (PR) José Ramos-Horta aseita ho PN hola kareta ba Deputadu sira iha Parlamentu. Maibé karreta sira ne’ebe maka hola ne’e ho folin ne’ebé maka baratu no kualidade no bainhira mandatu remata kareta ne’e prosperiedade estadu nian labele lori ba uma.
Prezidente Repúblika José Ramos Horta hateten, Membru Governu hahú husi Sekretáriu Estadu, Vise Ministru, Ministru, Direitór Jerál sira, Direitór oi-oin, asesór sira governu nian, asesór lubuk ida ne’ebé la hun la dikin, tan de’it família sai asesór, sira hotu-hotu iha karreta, tanbasá deputadu sira labele iha karreta, maibé agora iha karreta ne’ebé kualidade no baratu.
“Hau la’ós atu halo propagada komersiál ba Xina, bainhira amu Papa Francisco nia vizita ne’e hau haree karreta foun seguransa nian karreta bee kapás, karreta ne’e mai husi ne’ebé, sira dehan ne’e sosa husi Xina, ema hotu-hotu hatete, la’os governu de’it, ema sivil sira hatete karreta ne’e mai husi Xina di’ak loos, konfortavel no baratu $30 itall mill dólar de’it maibé nia kualidade hanesan Toyota,” dehan Presidente Repúblika josé Ramos-Horta, iha eskola STM Becora, kinta 19/09.
Xefe estadu dehan tan, Klaru deputadu sira presiza mobilidade atu bo’ok-an entaun sosa karreta ba sira, tanba Sekretáriu Estadu oan sira ne’e mak labele iha kareta.
“Se hau mak Primeiru Ministru karik hau hatete laiha tan nein karreta, neim uma estadu ba ministru sira, tanba bainhira atu sai ministru hela iha ne’ebé, la’os hela iha ponte Komoro okos, entaun iha uma kontinua hela iha uma, tanbasá mak tenke uma estadu, depois simu ajudu kustu ba uma, ajudu kustu ba telefone, viajen ba foho buat sira ne’e, ita mak kria rasik situasaun ida ne’e hotu-hotu reklama entaun tanbasá mak governu bele iha, deputadu labele,” nia esplika.
Xefe estadu esplika tan, enkuantu governu la halo medida radikál, koa karreta ba hotu-hotu, laiha karreta. Karreta hanesan iha governu nian, Parlamentu bele iha bainhira kada ministru presiza telefone de’it ba parkin karreta nian ne’e ema hatene sistema montadu minute lima de’it karreta iha o nia oin kedas, iha Austrália sira halo nune’e. Maibé sosa karreta ba deputadu sira, maibé karreta ne’e prosperiedade estadu nian, la’ós bainhira tinan haat liu tiha ida-idak lori fali karreta ba uma, karreta ne’e propriedade estadu.
“Sim, ha’u hatete nesesáriu, mas labele gasta osan buka karreta prado ne’e, karreta ne’ebé Xina kualidade, ha’u rona $30 itall mill dólar de’it ne’e hanesan metade Toyota nian,” Xefe estadu aseita hola kareta ba Deputadu sira.
