Reportajen Filomena da Conceicao
Sekretaria de Estadu da Igualidade (SEI), hamutuk ho futuru Nabilan fasilita formasaun politika Violensia bazeia ba jeneru ba membru F-FDTL nain 15, kompostu husi feto nain-12 no Mane nain-3 objetivu atu bele asegura no prevensaun ba politika VBJ iha institusaun Falentil- Forsa Defeza de Timor-Leste (F-FDTL) nian.
Diretora Nasional politika SEI, Celeste Ramos haktuir katak formasaun refere halo durante semana ida, husi Segunda too sesta, , no programa ida ne’e atu haree Kona ba politika violensia bazeia ba jeneru, no atu haree importansia sira kona-ba rejolusaun 13-25 relasiona ho feto paz seguransa.
“Programa Ida ne’e, SEI la servisu Mesak maibe SEI servisu hamutuk ho tafu nabilan neebe haree no fo apoiu mos ba programa prevensaun violensia bazeia ba zeneru i kopera hamutuk ho institusaun Forsa Defeza de Timor-Leste (F-FDTL) no duransaun tempu durante loron lima hodi haree Nia objetivu atu bele implementa iha institusaun F-FDTL sira liga ba politika violensia bazeia ba zeneru”, dehan Celeste ba jornalista Sira iha Salaun Esperansa Delta Elemloi Segunda, 23/09
Nia haktuir, objetivu SEI marka Programa formasaun ka treinamentu refere atu bele hasa’e Konsiensia no koinesementu Forsa sira nian kona-ba saida lolos Mak politika VBJ neebe Sekretaria Estadu hakarak implementa iha ninia knaar tomak atu bele asegura politika nee iha institusaun hotu-hotu liu-liu iha F-FDTL laran.
“Razaun SEI identifika institusaun Forsa Defeza Timor-Leste hodi fahe formasaun violence bazeia ba zeneru nian tanba F-FDTL hanesan entidades Ida hodi bele asegura no garantia ba prevensaun ba politika Veolensia bazeia ba zeneru nian”, Nia Esplika
Iha Fatin hanesan kapitaun Markita da Cunha haktuir mos katak, objetivu ba formasaun ne’e, atu prepara membru militar sira Tantu feto no Mane liu-liu pontu vokal Sira husi komponente no Forsa apoiu jeral inklui Quartel Geral atu sai formador ba iha asuntu Violensia bazeia ba jeneru.
“Liuhusi formasaun Ida ne’e bele sensibiliza fali ba iha militar sira seluk neebe mak seidauk iha koinesementu kona-ba asutu violensia bazeia ba jeneru no treinamentu Ida ne’e halao entre kondenasaun entre institusaun F-FDTL no SEI nian”, dehan Markita
Nia akresenta, formasaun hirak ne’e, importante hodi bele hanorin membru militar Sira atu bele aprende, hatene no konsiente kona-ba saida mak vilensia bazeia ba jeneru nune’e futuru bele Evita no labele akontese iha institusaun F-FDTL no MOS banhira Sira hala’o sira nia misaun ruma.
Entretantu, formandu refere mai husi komponente Naval, Forsa terestre, Komponente Aero, Quartel Geral, no Forsa apoiu jeral nian, ho total formadus hamutuk nain 15 kompostu husi feto nain-12 no Mane nain-3 no duransaun ba formsaun refere durante semana Ida.
