Home Notisia Lideransa 77 no IKS Husu Membru Sira Hakribi Violensia no Labele Provoka...

Lideransa 77 no IKS Husu Membru Sira Hakribi Violensia no Labele Provoka Malu

4093
0
SEJD halo enkontru ho lider 77 no IKS. [Foto: Francisco JDA | 26.03.2021]

Reportazen Francisco JDA

Sekretario Estadu Juventude no Desportu (SEJD) no Comisaun Reguladora Arte Marsial (CRAM) hala’o enkontru ho lider artemarsial sira hanesan Ikatan Kera Sakti (IKS) no Arte Ritual 77, hodi koalia kona ba problema ne’ebé dadaun akontese iha kapitál Dili, nune’e bele buka solusaun hodi hapara konflitu ne’ebe sei mosu.

Sekretario Estadu Juventude Desportu (SEJD), Abrao Saldanha ‘Nokosiko’ ba jornalista sira hateten solusaun pratikamente dadaun ne’e iha Tribunal, no autór sira ne’ebé prátika krime iha hela Investigasaun polísia nian,

“Ohin ha’u apela ba organizasaun rua, tanba membrus sira ne’ebé halo krime ne’e lori naran organizasaun nian, organizasaun tenki responsabiliza, saida mak agora ita presiza hare hamutuk ne’e mak dalan, oinsá sai hosi problema konflitus artemarsiais ne’ebé tinan barak akontese, governu hare esforsu ida ne’e, nune’e bele kria dialogu ho Arte Marsisais sira atu bele harii legislasun propia ba akomoda interese ema hotu nian no interese estadu nian,” hateten Sekretariu Estadu Abrao Saldanha Iha Bidau Lecidere, 25/03

Iha Fatin hanesan Mestre 77, Abilio Soares apela ba membrus 77 hotu iha Timor laran tomak, espesial kapitál Dili atu halakon no hakribi violensia, nune’e mós hadook an hosi hahalok provokasaun no deskriminativu ba liafuan sira ne’ebé iha tendensia ba kria violensia.

“Kazu sira ne’ebé akontese ami responsavel mós la hatene, nune’e SEJD no CRAM bolu ami mai atu hasai mensajen no toma responsabilidade ba sira ne’ebé halo kazu iha komunidade, se karik ikus mai sira halo kazu ne’e individual prefere ba lei no Justica,” hateten Mestre 77 Abilio Soares

Entertantu Prezidente Ikatan Kera Sakti Timor Leste, Silvester Sufa mos apela ba membru IKS tomak iha territóriu laran tomak katak organizasaun la autoriza atu halo violnesia ka torturasaun ho métodu sira hanesan ne’e, tanba la iha regimentu ka artigu ida atu halo violonesia.

Print Friendly, PDF & Email

LEAVE A REPLY

Please enter your comment!
Please enter your name here