Home Notisia Modo La Folin Iha Situasaun Serka Sanitaria, Helena: Hau Preokupa Ho Oan...

Modo La Folin Iha Situasaun Serka Sanitaria, Helena: Hau Preokupa Ho Oan Sira

375
0
Negosiante Helena Pinto iha Hera. [Foto: Francisco JDA | 26.03.2021]

Reportazen Francisco JDA

Negosiante dalan ninin preokupa sira nia negosi ne’ebe sira faan iha dalan ninin, relasiona ona ho serka sanitaria, tanba fo impaktu ba sira nia rendimentu, liu-liu feto maluk sira ne’ebe faan modo iha dalan ninin sira, tanba modo la folin no barak mak sai dodok

Hafoin jornalista Neon Metin hakbesik an hodi dadalia ho negosiante kiik ne’ebé faan modo iha Hera,  Helena Pinto haktuir katak,  loron-loron tur iha ne’e pasensia de’it, osan ami hetan susar, dalan fuik los se mak  atu mai sosa modo ne’ebé mak ami faan ne’e, sorte eskola paradu, selae oan sira presiza osan foti iha ne’ebé.

“Ha’u feto faluk ha’u nia oan nain haat eskola hotu, ami ba sosa modo ne’e dalaruma ho osan $5.00 dólar, ami faan fali hetan mak $0.50 cent no $0.25 ami pasensia de’it ona”, dehan Helena ba Neon Metin, 25/03

Nia dehan bainhira seidauk iha serka sanitaria, kada loron bele hetan  $50- $60 dollar, tanba movimentu  lao normal nune’e bele sustenta uma laran no ba oan sira nia presiza. Ohin loron faan hosi dader to’o kalan bele hetan deit $4.00-$5.00, valor osan ne’e la to’o atu hatan ba labarik sira nia nesesidade.

Helena Pintu nudar feto falu ne’ebe tenke luta ba nia oan sira, atu la kuran buat ida, maske iha situasaun defisil nia laran preokupa tebes ho nia oan sira nia eskola, fos folin ne’ebe sae no eletrisade.

“Ami atu ba foti osan iha ne’ebé, se ema la mai sosa ami nia sasán, estadu hakarak ajuda, entaun ajuda ba se lakohi ajuda ami la Ejize, tan ami mós ema kbiit laek atu hetan osan faan modo iha dalan mak bele sustenta ami nia família”, tenik Helena hodi kontinua hakbiit nia an, hodi hikis kosar nia oan sira nia futuru.

Print Friendly, PDF & Email

LEAVE A REPLY

Please enter your comment!
Please enter your name here