Reportajen Joselina dos Santos
Prezidente Assosiasaun Mediku Timor-Leste (AMTL), Rui Maria de Araújo husu governu liuhosi Ministériu Saúde hodi altera lei rezolusaun 57 ba profisional saúde no mediku sira ne’ebé bandu profisional saúde sira halao servisu nu’udar funsionáriu publiku iha iha ospital, ne’e konsidera hanesan sirkular ilegalidade tanba iha dekretu lei 82/2022 rezolusaun la husu ministériu hoi halo karik governu la altera sei lori ba Tribunal hodi husu interpretasaun ne’e husi profisionál saúde nian ho termu fizkalizasun abstratu lei. Tanba ne’e parte husi direitu fundamental kuandu bandu ema nia servisu signifika viola direitu fundamental tuir konstituisaun RTD, ne’e duni limita ema nia direitu tenke liuhosi lei parlamentu maibe ida ne’e limita ema nia diretu liuhosi dekkretu lei ida, karik governu la hasai ka la buka solusau mak tenke husu tribunal nia opinniaun.
“Enkontru ida ne’e rezultadu husi karta ne’ebé ami haruka iha loron 2 fulan Dezembru, iha loron 14 liu ba profisional saúde organiza seminariu nasional ida hodi halo analiza ba implementasaun ba kareiras profisionais saúde nian no hamosu mos deklarasaun konjunta ida, momentu ne’ebá ami hato’o ona ba publiku, maibe ohin hato’o direita ba Ministériu Saúde no uza deklarasaun konjunta ne’e hanesan baze ida hodi halo diskusaun”, dehan, Prezidente AMTL Rui Maria de Araújo iha Salaun Palacio dos Cinzas, Caicoli 17/12.
Diskursu ne’e, hanesan rekursu ida ba sirkular ne’ebé sai, iha diskusaun ne’e hato’o ejizensia rua ne’ebé Inspetór Jeran Saúde fó sai, primeiru husu atu suspende sirkular ne’ebé fó sai tanba tuir sira nia haree ne’e ilegalidades barak iha sirkular ne’e rasik, la kumpri buat ne’ebé rezolusaun hatete tuir governu fó sai depois ultrapasa kompetensias husi Inspetór jeral saúde nian. Segundu atu implementa regra hirak ne’ebé iha regime de careiras dos proficionais de saúde nian, hanesan promosaun no protesaun depois suplementu ba ema sira ne’ebé servisu iha área remotas oinsá atu estabelese komite tekniku ba evoluasaun profisional saúde sira nian akompaña progresaun profisional no lei.
“Ami iha rekomendasaun rua primeiru MS tenke tetu ho diak antes ba oin no segundu husu MS atu servisu hamutuk ho Assosiasaun Profisionais sira hodi estabelese ordens mediku no ordens enfremeiru sira, tanba ordens sira ne’e mak bele implementa kodigu deontolojiku no dixiplinarius ba profisional saúde sira. Atu halao prosesu ordens sira ne’e ami rekomenda ba MS atu estabelese ona konsellu profisionais saúde ne’ebé tuir dekretu lei ezersisiu profisional saúde nian, purtantu iha dekretu lei ne’e katak atu bele monitoriza profisiunais saúde sira nia servisu kada loron maibe to’o agora konsellu dixiplina profisionais saúde ne’e la funsiona”, nia deklara.
Iha diakusaun ne’e mos, assosiasaun apelu ba governu atu mantein dialogu regular ho permanente ho assosiasaun profisional sira ne’ebé halo deklarasaun konjunta, tanba nia konteudu ohin hato’o ona no nakloke ba dialogu nune’e hein resposta eskritu husi MS importante mak direitus profisionais saúde sira hodi kontribui ba dezenvolvimentu setor saúde diak liu tan.
Iha fatin hanesan, Vise Ministru ba Fortaleimsetu Instituissional Saúde (VMFIS), Jóse dos Reis Magno katak, Sirkular Inspesaun jeral ne’e hamosu tanba iha rezolusaun governu atu kumpri rezolusaun iha artigu 9 tuir Estatuto Funsaun Publika nian. Katak funsiunariu sira labele akumula no prejudika servisu ka atividade estadu nian, bainhira iha oras servisu nian. Haree ba iha artigu 10 estatuto KFP nian liga ho dekretu lei 13/2012 kona-ba rejime kareiras saúde sira nian, nune’e rekomendasaun hirak ne’e sei hato’o hodi prepara resposta ba assosiaasaun sira nian.
