Reportajen Estaziada Olinda Pereira
Ensinu Baziku Sentrál Palaca Balibó enfrenta menus livru, ba materia Geografia no Istória nune’e obriga professor sira hanorin estudante sira tuir sira nia konesimentu, nune’e eskola refere infreta mós sala de aula ba estudante sira atu bele aprende, nune’e estudante sira husi ensinu baziku primeiru to’o terseiru siklu uza hamutuk de’it fahe ba parte dader ho meiudia.
Diretór Ensino Basico Central Palaca Antonio Maumeta dehan, profesor sira husi Eskola ensino Basico Central Palaca, postu administrativu Balibo, munisipiu Bobonaro durante nee hanorin estudante sira tuir deit Sira koinesimentu tamba laiha livru ba materia geografia no istória hodi hanorin ba estudante sira, difikuldade ne’ebe eskola ne’e hasoru mak livru, tanba iha eskola refere sira laiha livru ba mateira geografia no istoria no durante sira hanorin estudante sira tuir deit ami nia koinseimentu.
“Ida nee sai prekupasaun boot ida ba mai Ami profesor sira no fo difikulta tebes ba estudantes sira nia koinsementu, tanba buat neebe ami hatene ami bele fo ona maibe liu ida nee ami labele tanba laiha manual hodi ajuda ami”, dehan Antonio Maumeta ba jornalista, iha ensino Bazico Central Palaca, Balibo, (11/02).
Nia dehan tan, relasiona ho problema refere nia parte hatoo ona ba edukasaun munisipal nian, maibe too dadaun ne’e seidauk bele hetan resposta, nunee sira kontinua hanorin estudante sira tuir sira nia kapasidade ka konesimentu neebe sira iha, nune’e diretor ne’e mós hala’o ona enkontru ho profesor sira kona-ba problema refere, difikuldade ne’ebé sira enfrenta nia mós relata ona ba iha edukasaun munisipál maibé livru ba materia hirak ne’e menus tebes.
“Hau hatoo ona ba diretor edukasaun munisipal katak livro ne’e uluk iha maibe eskola seluk foti tiha ona no laiha ba materia sira seluk ne’e livro la sufisiente” dehan Diretór Antonio.
Alinde, problema livru eskola refere mos enfreta problema sala de aula durante tinan barak ona, tanba eskola refere uza lisuk husi ensino primaria no ensino pre-sekundaria tanba aluno sira iha ne’e barak tinan 2024 sira hetan 774 no agora alunos 785, nune’e nia sala de aula ba alunos sira atu prense ba laiha e menus tebes tanba nee estudante husi ensino-basico primeiru too terseiru siklu uza hamutuk de’it, dader primeiru no segundu siklu no meudia terseiru siklu mak uza.
“Ami hakarak rekomenda ba governo liu husi sira nia ekipa ida bele mai iha fatin refere bele hare rasik ami menus sala de aula se bele plano ba ami nia eskola ne’e bele aumenta tan edifisiu ida sala 3 ka 4 tanba agora ami nia biblioteka uza hotu ba sala mos nafatin menus livru sira iha biblioteka ami foti mai tau iha kantor ka ami manorin sira nia fatin tanba fatin laiha para alunos sira atu asesu uluk ami diretor ho xefi gabinete nia fatin ketak maibe alunos ho profesor sira barak ami junta deit fatin ida tanba fatin biblioteka la iha no menus sala de aula” rekomenda Diretór EBC Palaca.
Entretantu, Eskola Basico Central Palaca, munisipiu Bobonaro ho total estudante hamutuk 785 no total profesor nain 7.
