Reportajen Joanina Casamiro
Sosiedade Sivil liuhosi Fundasaun Mahein (FM) Lansa Relatoriu Kria Politika Programasaun PNTL atu Responde ba Lakuna Rekursu Umanu, Infraestrutura no Ekipamentu Polisia Nasional Timor-Leste (PNTL) nu’udar instituisaun esensial ne’ebe iha knaar atu organizasaun no operasaun, foka ba área xave sira hanesan rekursu umanu, infraestrutura mantein lei no orden iha territoriu tomak hodi garante kondisaun servisu ne’ebé seguru no efisiente ba sidadaun sira.
Diretor Ezekutivu Fundasaun Mahein (FM), Nelso Belo hatete, Konferensia Imprensa ne’e atu avalia situasaun atual PNTL nia no ekipamentu hodi bele responde ho komprensivu no sustentável ba dezafiu sistémiku ne’ebé peskiza ona. Governu Timor-Leste tenke dezenvolve Politika Programasaun PNTL nian, politika ne’e tenke dezenvolve liuhosi peskiza intensivu kona-ba nesesidade polisiamentu atuál no futuru.
“Politika Programasaun ida ne’e sai nu’udar matadalan ba reforma no investimentu sira ho objetivu atu haforsa PNTL nia kapasidade, nune’e instituisaun ne’e bele responde ba dezafiu sira polisiamentu no seguransa nian. Politika Programasaun sei garante mudansa no investimentu hodi responde ba nesesidade institusionál sira dukė interese pesoal ka partidu Politika nian,” Dehan Diretor Ezekutivu Fundasaun Mahein Nelso Belo ba Jornalista sira iha resitu Fatin 28/03/25.
Nia dehan Relasiona ho rekursu umanu, Postu PNTL barak falta pesoal, liu-liu iha nivel munisipiu no sub-munisipiu, nomos PNTL seidauk rekruta membru foun ho númeru ne’ebé nato’on atu responde ba nesesidade polisia nian iha Timor-Leste. Tanba la iha rekrutamentu regulár, PNTL sira dala barak atinje idade ferik-katuas molok hetan promosaun ba pozisaun superiór sira iha divizaun boot sira.
“Iha Peskiza ne’e mos hatudu katak programa formasaun ba membru PNTL seidauk sufisiente no la regular, programa formasaun sira mos la responde ba dezafiu sira ne’ebé ofisiál PNTL sira hasoru, hanesan jestaun krize, lideransa ka polisiamentu iha komunidade kona-ba infraestrutura polisia nian, peskiza ne’e hatudu diferensa boot entre área urbana no rurál sira, Maske Dili iha ona fasilidade sira ne’ebé di’ak, postu polisia barak iha área rural opera ho infraestrutura ne’ebé antigu no la adekuadu”, nia informa.
Nune’e Presiza halo reabilitasaun ba instalasaun sira hodi garante operasaun polisia nian bele hala’o ho seguru no efisiente, aleinde ne’e maske edifisiu polisia iha kapitál harii ona dezde tinan 24 nia laran, to’o agora seidauk iha modifikasaun ruma atu responde ba nesesidade operasional sira neʼebé muda ba beibeik agora konstrusaun no aprovizionamentu ekipamentu sira kaer hosi empreza ket-ketak, ne’ebé hafraku koordenasaun projetu nian.
“Impaktu bo’ot ba PNTL tanba Falta ekipamentu sai hanesan asuntu funsionamentu Ekipamentu esensial sira hanesan rádiu veikulu no ekipamentu profesaun operasional, Manutensaun ekipamentu sempre atrazadu tariba sistema manutensuum antigu ona ka iha stock ne’ebé limitadu, falta negativamente ba PNTL nia efisiensta sentralizadu liu no iha prosesu hadia no troka sasan tuan sira disiplina no responsabilizasaun iha PNTL nia laran mos la konsistente, no hafraku morál ofisiál nian no fo impaktu ba profesionalizmu iha forsa nia laran”,
Nia dehan, Respondente hotu-hotu neʼebé partisipa iha peskiza ida ne’e konkorda katak prosesu jestaun pesoál sira tenke fó prioridade ba méritu no kompeténsia duké afiliasaun politika sira ka ligasaun ho grupu istóriku sira, hanesan veteranu ka movimentu politiku. Depolitizasaun prosesu sira ne’e esensiál atu restaura konfiansa iha instituisaun polisia, garante estabilidade no fasilita PNTL atu funsiona nu’udar instituisaun ne’ebé independente no efikás.
