Reportajen Silvino Freitas
Asosiasaun Akademika Estudantil Fakuldade Medisina Siensia Saude (FMCS) lamenta ho dekana FMCS no dosente FMCS ne’ebe orienta estudante parteira hodi halo impedimentu ba denunsia publika husi asosiasaun akademika nian ligadu ho problema ne’ebe akontese iha FMCS, nunee sira mos lamenta ho prezensa Polisia Nasional Timor-Leste (PNTL) no Batallaun Orden Publika (BOP) ne’ebe tama iha kampus kaikoli tanba universidade iha ninia regra autonomia kampus.
Liu husi Konferensia Imprensa ne’ebe halao iha kampus sentral UNTL senadu UNTL dehan, problema sira ne’ebe akontese iha FMCS asosiasaun akademika estudantil konsege halo aprosimasaun hodi koordena ho estrutura fakuldade liuhusi karta no dialogu hodi aprezenta ona ba reitor UNTL Joao Martins maibe la tau konsiderasaun atu rezolve, nunee too dadaun ne’e seidauk iha rezultadu pozitivu ba problema sira ne’ebe estudante sira hasoru.
“Asosiasaun akademika estudantil FMCS realiza konferensia ba dalarua iha kampus kaikoli maibe hetan impedimentu husi estudante parteira ne’ebe orienta rasik husi dekana FMCS Lidia Gomes da Conceição no nia mos konvida PNTL ho BOP tama iha kampus atu halo intervensaun ba asaun ne’ebe organiza husi senadu FMCS” dehan portavoz Ronaldo do Rego liuhusi konferensia imprensa ne’ebe halao iha kampus sentral UNTL, (13/05).
Nia dehan tan, ho aktu sira ne’e senadu estudantis UNTL deskorda no lamenta tebes ba hahalok dekana nian ne’ebe orienta estudante parteira atu impede asaun grave mak ho objetivu atu rezolve problema sira, nunee sira konsidera dekana FMCS Lidia Gomes da Conceição laiha kapasidade seriedade no responsabilidade moral tanba orienta estudante feto hodi impede asaun greve refere, nunee sira lamenta mos Disenta Isabelita Soares ne’ebe konvida PNTL ho BOP hodi tama ba iha kampus kaikoli impede asaun estudante sira nian maskí universidade iha ninia regra rasik atu gere autonomia kampus.
“Ami husu ba Magnifiku Reitor Joao Martins atu fo xamada atensaun ba aktu sira refere, karik reitor la halo ida ne’e maka ami husu ba prezidente konsellu jeral UNTL hola medida intervensaun ruma ba problema maka akontese iha FMCS, ami mos husu Ministeriu ensinu superior atu bele propoin solusaun ruma ba estrutura universidade hodi rezolve problema sira maka akontese ona” dehan portavoz Ronaldo.
Asosiasaun akademika estudantil sira mos husu ba parlamentu nasional komisaun G ne’ebe trata asuntu edukasaun atu halo intervensaun ba problema ne’ebe akontese iha UNTL, nunee sira mos husu ba PDHJ atu halo intervensaun ligadu ho violasaun direitu umanu iha kampus universidade inklui mos komando PNTL munisipiu Dili atu labele orienta oknum PNTL hodi tama arbitariarmente ba iha kampus nian.
Fatin hanesan senadu jeral UNTL Cesar João dehan, asosiasaun akademika lamenta ho diretora nain rua inklui dekana FMCS ne’ebe orienta estudante parteira hodi impede asaun denunsia publika husi asosiasaun akademika estudantil nian, nunee dekana tenke komprende katak iha UNTL asosiasaun akademika deit maka reprezenta estudante no defende direitu estudante nian. “Tanba nee labele organiza fali grupu ilegal hodi halo impedimentu mensajen dekana nian ne’ebe husu ba estudante parteira sira hodi impede denunsia asosiasaun akademika nian, tanba ne’e hau husu ba sivitas akademika atu labele defende fali profesores sira atu esplora estudante sira” dehan senadu jeral Cesar João liuhusi konferensia i
