Reportajen Silvino Freitas
Eis Primeiru Ministru no atuál sekretáriu jerál partido FRETILIN, Marí Bin Amude Alkatiri konsidera, prosesu evikasun ne’ebé halo husi IX Governu Konstituisionál ne’e la’ós despezu administrative, maibé despezu ne’ebé laiha politika no programa ba dezenvolvimentu atu ordena sidade, tanba primeiru governu konstituisional iha planu no politika rasik, atu hadia no ordena sidade inklui aumenta polu dezenvolvimentu iha munisipiu sira.
Mari Alkatiri dehan, eviksaun barak ne’ebé halo hodi povu barak mak buka uma, atu hela la hetan karik ida nee mak progresu ne’ebé atinji husi nonu governu, no estrada barak maibe nee laos progresu maibe esbosu, nia laos la konkorda maibe primeiru governu husi dezenvolvimentu atu halo sidade husi Dili ba Baucau planu no programa ne’ebé primeiru governu ne’ebé nia rasik lidera husik hela hodi hadia no ordena sidade Dili hanesan capital nasaun nian.
“uluk hau dehan buat nee ba senor Xanana, nia dehan servisu ho planu no programa nee atraza dezenvolvimentu no dezenvovimentu la akontese, iha primeiru governu dehan labele dezenvolve deit Dili tenke buka tan polos dezenvolvimentu balun iha lorosa’e raiklaran loromonu no Oekusi, fo hau oportunidade ne’ebé la ukun naruk iha Oekusi halo tiha didiak mais sala hotu” dehan Sekretariu Jeral Mari Alkatiri, hafoin sai oradór iha konferensia internasional ba mudansa klimatika iha salaun Canosa Sas-Laran, (23/04).
Nia dehan tan, politika nonu governu nian ne’ebé halo evikasaun ba uma komunidade sira nee laos despezu administrativu maibe despezu ne’ebé laiha planu no politik tanba despezu administrativu nee akontese bainhira ema iha direitu ba despezu ruma, laos povu la kolabora dezenvolvimentu maibe povu sira konsiente katak estadu atu lori sira ba ne’ebé nunee mos ema sira ne’ebé afeta ba eviksaun sira nee sidadaun timoroan no iha direitu atu hela iha ne’ebé deit husi teritoriu timor leste nian.
