Reportajen Crecensia de Castro
Liuhusi konferénsia imprensa, Porta Voz superintendente polisia Antonio da Luz hateten Bazeia ba diploma ministerial nian numeru 17, 2025 ne’ebe iha artigu 29, 30 ho 31, sei fo sai prova ba selesaun sira, iha metodu selesaun tuir artigu 29 hatete katak iha prova oin lima, prova kulturál, aptidaun fízika, psikolójika, entrevista professional no prova médika.
“selesaun sira ne’e hotu nia prosesu eliminatoriu katak nia bele passa iha prova kultural maibe mai iha prova fiziku ne’ebe sei mensiona tuir mai ida la liu, ne sei elimina kedas hanesan iha artigu 31, depois iha artigu 30 ne’e loalia konaba prova kultural ne’e sei tuir materia ne’en ne’ebe presija fo sai ba kandidatu sira para halo preparsaun ne’e maka lian Tetun, lian Portugues, Historia, Geografia no konstituisaun RDTL, materia sira ne’e mak sei sai iha ezame prova kultural” dehan nia
Nia esplika katak iha artigu 31 koalia konaba prova aptidaun fiziku ne’ebe kompostu husi flexoes ho liman ba trave katak restok ka pull up ba mane deit, rua estensaun liman ba rai ka push up ne’e ba feto depois flexaun iha airin ka situp ne’e ba mane no feto hotu tuir fali mak halai minutu sanulu resin rua ba mane metrus rihun ida atus rua no ba feto metrus rihun ida atus ualu tuir mai maka lao iha portiku leten, portiku ne’e iha tronku ida ne’ebe maka aas kuaze metru lima depois kandidatu sira sei lao iha leten atu koko sira nia mental tuir mai maka saltu ka haksoit moru ba mane 0,90 centimus no ba feto 0,70 centimus.
Nia hatutan katak iha prosesu ezersisiu fiziku mos hanesan nafatin sistema eliminatoriu ho ezemplu katak kandidatus ne’ebe passa iha faze ida pull up mais mai fali iha situp la liu, ne’e elimina kedas ou bele mos liu iha parte haat maibe la liu iha parte ikus mos sei elimina kedas ne’ebela iha akumulativu sistema eliminatoriu.
Nia mos deklara katak prosesu hotu-hotu hanesan ,maske sai ona iha publiku katak iha quota ba veteranu nia oan, ba polisia nia oan no ba publiku, maibe prosesu hotu hanesan deit laos tamba polisia ka veteranu nia oan automatika tama ne’e la iha maibe se mak iha kompetensia nia mak liu tamba ne’e mak husu ba hotu-hotu tenke esforsu,no sei la fo importansia ba ida deit tamba hotu-hotu sidadaun Timoroan, komisaun sei hare ba neutralidade.
“Dokumentu sira ne’e sei mai halo selesaun prova dokumentariu iha sekretariadu depois mak sei publika prosesu ne’e hau hanoin rigorozu oituan, ba sira ne’ebe mak balun tinan liu ona ita nia servisu sekretariadu sei cross check”, dehan nian
