Home EduTek AJTL & UNITAL Asina MoU, Fo Formasaun Ba Estudante KomSos

AJTL & UNITAL Asina MoU, Fo Formasaun Ba Estudante KomSos

289
0
AJTL ho UNITAL asina MoU. [Foto: Francisco JDA | 10.03.2020]

Reportazen Francisco JDA

Asosaisaun Jornalista Timor Lorosa’e [AJTL] halo kooperasaun ho Universidade Oriental Timor Lorosa’e [UNITAL] ho objetivu atu kapasita estudante Komunikasaun Sosiál, iha ambitu formasaun no hasa’e koñesimentu iha area importante sira hanesan, Foto Jornalismo, Video Editing, no hakerek notisia iha tuir elementu jurnalismu nian.

Prezidente AJTL Zevonia Vieira iha diskursu hatete, AJTL haksolok tanba bele realiza kooperasaun ho UNITAL, hodi kapasita no aumenta abilidade estudante Komunikasaun Sosial iha era digital, tanba servisu media nian ne’e importante tebes.

AJTL nia misaun no visaun boot liu mak atu promove liberdade imprensa no liberdade espresaun,  kapasita mós membru AJTL sira, laos deit bá Jornalista sira ne’ebe servisu lor-loron iha instituisaun media, maibe mos fo oportunidade ba estudante komunikasaun sosiál sira, atu prepara sira nia an didiak, ne’ebe prontu serbisu iha mundu jornalismo, bele iha abilidade naton,  matenek no iha kapasidade oinsa mak bele sai ponte ba estadu no povu”, tenik Presidente AJTL Zevonia Vieira, iha Salaun UNITAL, 10/02

Presidente AJTL esplika, AJTL fo oportunidade ba Universidade liu-liu ba estudante komunikasaun sosiál UNITAL, hodi uza oportunidade ne’ebe iha, kapasita an, aumenta abilidade, laos hosi dosente deit maibe estrutura AJTL ne’ebe iha ona abilidade, prontu apoio liu hosi formasaun konaba multy media ne’ebe sei oferese hosi AJTL

“Iha Era Digital ita tenke hakat ona ba oin, atu kompete ho media sira rai liur, sekarik ita koko atu hatudu ita nia abilidade hanesasan ema Jornalista, ida ne’e hanesan motivasaun, enkoraza estudante komunikasaun sosiál sira oinsa bele aprende, sai Jornalista ne’ebe diak lori komunidade ne’ebe kbiit laek ninia lian, hodi hatoo ba Estadu, nune’e bele halo mudansa ba sira nia moris”,  tenik Presidente AJTL Zevonia

Zevonia  realsa liutan, jornalista nia servisu iha responsabilidade boot atu muda ema nia hanoin, atetudi, laos informa deit, maibe eduka no anima sira nia audiensia.

Entertantu Dekanu Fakuldade Siencia Sosiais Politika, Izac Vieira Amaral hateten, nia parte sente orgullu tebes tanbá AJTL bele simu proposta, liu hosi servisu hamutuk, hodi koopera ho diak iha area formasaun no kapasitasaun ba estudante Komunikasaun Sosiál UNITÁL.

Ami prontu koopera nafatin, atu hadia tan serbisu hamutuk ne’ebe diak liu tan, ami nia estudante sira presiza, laos teoria deit, tanbá iha estatuta fakuldade mos hatete teoria ne’e porcento 60, pratika ne’e porcento 40, ho ita boot sira nia prezensa, iha ami nia Universidade, importante tebes ba futuru estudante nian” dehan Dekanu Fakuldade Siencia Sosiais Politika Izak Vieira Amaral.

Dekanu iha esperansa katak kooperasaun ne’e laos ba tinan ida deit, maibe sei bele kontinua iha tinan oin, no UNITAL prontu nafatin hodi halo kooperasaun.

LEAVE A REPLY

Please enter your comment!
Please enter your name here