Home Justisa Serbisu TR nian Lao Normal Maske Hasoru Situasaun Politika Ho Orsamentu Duodesimo

Serbisu TR nian Lao Normal Maske Hasoru Situasaun Politika Ho Orsamentu Duodesimo

188
0
Prezidente Tribunal Rekursu, Dr. Deolindo dos Santos. [ Foto: Santina Lucia da Costa | 10.03.2020]

Reportazen Santina Lucia da Costa

Prezidente Tribunal Rekursu [TR] aprezenta serbisu Tribunal nian ba Prezidente da Republika, konaba serbisu justisa nian ne’ebe mak Tribunal halo ona, prosesu ne’ebe lao ona, no mos serbisu jestaun nian.

Prezidente Tribunal Rekursu, Dr. Deolindo dos Santos ba jornalista sira hateten, prosesu iha Tribunal lao normal, mezmu ho difikuldade ne’ebé hasoru tanba ho situasaun politika ne’ebe afeta ba orsamentu,  maibe  hato’o ezistensia katak, serbisu lao normal, tanba Tribunal tenke funsiona, mezmu ho difikuldade, desizaun sai nafatin, juramentu lao nafatin, no juramentu movel sira iha Munisipiu no Postu-Administrativu lao nafatin.

Dr. Deolindo mos informa ba Prezidente da Republika, Dr. Francisco Guterres Lu Olo konaba formasaun ba juiz sira, funsionariu sira nian ne’ebé serbisu iha Tribunal Rekursu no mós kamara de Kontas, ba auditór sira hotu, nune’e mós kria kondisaun di’ak ba serbisu fatin Juiz sira, mezmu ho difikuldade iha orsamentu,  hato’o ba Preidente da Republika para haree oinsa mak fó obra Tribunal Dili nian, ne’ebé maka prepara hela prosesu nia laran.

“Iha Tribunal Rekursu kamara de kontas iha pendente 13, iha auditória nian ba krime ne’e pendente 35, husi 200 resin ne’e hela 35, ba sivil nian hela 13, ne’e mak pendente. Iha primeira instansia nian, iha Baucau sivil nian 100 resin, krime 200 resin, inklui Suai. Agora sei maka’as maka iha Dili.  Ita hatene katak iha Dili ne’e, kazu sivil ne’e 1000 resin nafatin,  krime ne’e sei iha 2000 resin nafatin,  iha tempu badak, atu bele reduz pendentes iha Tribunal Dili nian, presiza konsellu foti medidas balun, atu bele dudu prosesu ne’e bele lao ho lalais liu tan, iha tempu badak nia laran sei iha tan mudansa”, Esplika Deolindo dos Santos.

LEAVE A REPLY

Please enter your comment!
Please enter your name here