Home Notisia Koligasaun Hatama Pedidu Foun ba PR, no Xanana Sei Sai PM iha...

Koligasaun Hatama Pedidu Foun ba PR, no Xanana Sei Sai PM iha IX Governu

1084
0
Portavoz Koligasau Foun Kalohan entrega karta ba iha Palacio Prezidensia. [Foto: Santina Lucia da Costa | 10.03.2020]

Reportazen Santina Lucia da Costa

Koligasaun foun ne’ebe lideradu hosi Prezidente partidu CNRT, Kay Rala Xanana Gusmao, aprezenta karta ba segundu audiensia ho Prezidente da Republika.

Portavoz Koligasaun Foun, Antonio da Conceicao, “Kalohan”  ba jornalista sira iha Palacio Prezidensia hateten, koligasaun foun  kompleta ona rekezitus ne’ebe mak Prezidente da Republika husu, liu-liu ligadu ho konferensia kada partidu ninian,

“Iha loron 7-8 Marsu, partidu ne’ebe mak involve iha koligasaun laran realiza tiha ona, konferensia, no ohin hau mai submete fila-fali karta pedidu de audensia ba Prezidente da Republika, hodi konfirma tan dala ida, koligasaun ninia disponibilidade atu forma IX Governu Konstituisional nian”, esplika Porta-Voz Koligasaun, Antonio Conceição, ba jornalista sira, 10/3 iha Palacio Prezidensia.

Kalohan hateten karta ne’e espesifikamente hateten indizita Kay Rala Xanana Gusmao nudar Primeiru Ministru ba IX Governu kuandu Prezidente da Republika simu.

Desizaun ne’e Prezidente da Republika sei foti, ita labele antisipa saida mak Prezidente da Republika hakarak atu foti, maibé nafatin iha kontextu situasaun atual, ne’e obriga atu koligasaun ida ne’e tenke mai aprezenta nu’udar alternativu, hodi fó solusaun ba impase politika”, hateten Kalohan.

Porta-Voz Koligasaun, hatutan, bainhira mak atu realiza ne’e, depende ba Prezidente da Republika mak sei pronunsia, ohin ne’e mai husu audensia, purtantu sei marka hela audensia maibé konfirmasaun loron, hein hosi Prezidente da Republika.

Print Friendly, PDF & Email

LEAVE A REPLY

Please enter your comment!
Please enter your name here