Home Notisia Jornalista Emerencia Hetan Premiu Hosi Embaixada Australia Konaba Promove Igualdade Jeneru

Jornalista Emerencia Hetan Premiu Hosi Embaixada Australia Konaba Promove Igualdade Jeneru

804
0
Jornalista STL Emerencia Pinto simu premiu hosi Embaixada Australia. [Foto: Santina Lucia da Costa | 09.03.2020]

Reportazen Santina Lucia da Costa

Iha loron feto mundial, Embaixador Australia selebra entrega premiu ba tinan 2020 ba Emerencia tanba artigu ne’ebe mak inspira no parte ida ne’ebe halo advokasia ba igualdade jeneru.

Premiru ne’e halao bazea ba avaliasaun no analiza ne’ebe ekipa hosi Sekretariu Estadu Iguladade no Inkluzaun [SEII], JSMP, Konselho Imprensa, SECOMS ho programa Nabilan halo ba media imprimi tolu hanesan STL, Timor Post no jornal Independent, hafoin formasaun sensivel ba jeneru ne’ebe halao iha tinan 2018, ba media iha Timor-Leste.

Tuir manan na’in ba premiu refere, Jornalista STL, Emerenciana Pinto hateten, nia la espera katak ohin nia bele simu premiu ne’e, tanba durante ne’e nia hakerek notisia  mós la hanoin  atu hetan premiu, maibé nia hakerek atu promove duni feto, no nia foti lisiensiatura Direitu, entaun ho ida ne’e  promove feto oinsa atu kapasita feto ba oin.

“Dala barak haree husi familia, ezemplu iha hau nia familia rasik, hau nia alin mane baku nia ferik-oan, entaun hau koalia ne’e violensia domestika, depois sira hatan ne’e bikan ho kanuru mak tarutu, entaun momentu ne’eba, hau buka dalanlegal ida, hau ba entrevista administrador, ALFELA, no Rede Feto, hau hakerek lansung tau judul katak, Baku Ferik-oan laos bikan kanuru mak tarutu, maibé ne’e violensia domestika, hau hakerek no publika. Nune’e mós nia buka nafatin informasaun, katak ema sempre diskrimina feto, katak feto iha dapur de’it, hau publika tan tau topiku, dapur laos fatin permanente ba feto de’it, maibé feto ho mane mós partisipa iha laran”, esplika Jornalista STL, Emerenciana Pinto.

Emerenciana Pinto agradese ba Embaixada Australia ho SEII, no mós ba Rede Feto, CAUCUS, Fokupers no mós parseiru sira ne’ebé durante ne’e tau matan ona ba feto, hodi kontinua hakbiit feto maluk sira.

Print Friendly, PDF & Email

LEAVE A REPLY

Please enter your comment!
Please enter your name here