Reportajen Filomena da Conceicao
Komemora Loron Nasional Juventude ba dala-20 no mos komemora loron masakre santa cruz ba dala-34 ho nia tema jeral ” Ha’u Ema Timor Orrguillu ho Ha’u Nia Nasaun”, objetivu husu tema refere hafanun fali Ema hotu, liuliu ba joven sira hodi hatene istori luta iha pasadu nian hodi bele halo dezenvonvimentu ba Rai ida ne’e, iha aspeitu ekonomia, politika atu nune’e, bele foti bem estar neebe diak ba povu Ida ne’e.
Iha komemorsaun ne’e, Prezidente Komite ezersisiu 12 de Novembru, Filipe Rodriguez Pereira husu ba joven sira, tenke prepara an hodi buka matenek, no lalika muda obstakulu tanba sasan maibe, muda oportunidade hodi hasoru krize tanba ba futuru vida joven sira sei todan liu kompara ho joven sira iha tempu pasadu, tanba Vida ohin loron nakonu ho kompetisaun.
“Koalia Kona-ba joven registensia ho joven ohin loron nian, ami gosta koalia katak ami nia tempu limitasaun barak obstakulu barak maibe konsege hasoru duni tanba kaer liman hamutuk, tanba nee iha razaun ba joven sira agora , iha oportunidade barak bele uza oportunidade Sira ne’e ho diak hodi estuda no buka matenek tanba ba oin vida imi nian sei la hanesan ho vida ami nian tanba vida imi nian sei todan liu ami nian tamba sei halo kompetisaun, tanba nee presiza presiza prepara lalika muda obstakulu tanba sasan maibe muda obstakulu hodi hasoru krize.”, Dehan Filipe iha ninia dikurusu ba komemorasaun 12 de Novemberu Iha semiteiru Sta.Kruz
Nia haktuir katak, Timor Leste ida ohin sei diak liu Timor-Leste iha pasadu no iha esperansa nafatin katak Timor- Leste ida ohin sei diak liu Timor-Leste ida aban bairua, liuliu ba joven sira pprepara an, kapasita an buka matenek no buka formasaun iha fatin oioin atu asegura TL nia phasoru nasaun Vizinu no hasoru nasaun ASEAN nian no mos ba mundu tomak.interese
Espiritu libertador presiza kontinua nafatin iha ita nia vida Moris lorloron nian liuliu iha vida politika atu nune’e bem estar neebe Mak Ita hotu hakilar ba ita nia povu tomak ukun an dalan diak Liu ba ita nia rai, dehan Filipe.
“Hakarak hato’o mos agradesimentu ba parte hotu-hotu liuliu governu no mos igreiza ba organizaun regiztensia Juvenil sira neebe iha rai laran no mos iha Rai liur ba Frente diplomata no Frente armada neebe Ita hotu hamutuk liuhusi povu Nia votu iha 30 de agostu 1999 espera katak espiritu servisu hamutuk iha tempu registensia sei Nafatin iha Ita Nia fuan maske Ita fahe malu ona iha partidu oioin” nia hakotu.
Entretantu komemorasaun 12 de Novembru ba dala 34 ne’e, hetan partisipasaun husi Primeiu Ministru Kay Rala Xanan Gusmao, membru goveru sira, Parlamentu Nasional, familia Matires 12 de Novembru, sobrevivente 12 de Novembru, adventure loriku asuwain, no estudante Sira.
