Reportajen David da Costa
Relasiona ho Governu atu harii Sidade Univesitáriu iha Bairo Mantane iha suku Bandodatu, Postu Administrativu Aileu Vila, Munisipiu Aileu, komunidade uma-kain 29, ho total populasaun 131, la aseita governu atu foti sira nia rai 16 hektares hodi harii Sidade Univesitaáriu, Tanba rai ne’e produtivu ba iha Agrikultura ho Ida ne’e maka sira husu ba Ministeriu Agrikultura e Peskas (MAP) hola pozisaun sériu atu defende rai produtivu sira iha Mantane.
Liu husi konferensia imorensa portavoz komunidade afeitadu, Egas Andre Alves Mesquita, hateten, Governu sempre koalia barak iha fatin-fatin katak sei prioritiza setor agrikultura maibé iha realidade Ministeriu Agrikultura e Peskas (MAP) la hola pozisaun sériu atu defende rai produtivu sira hanesan iha Mantane.
Iha rai Mantane Aileu ne’e rai produtivu tebes ba iha setor Agrikultura, no komunidade iha ne’e uza rai ida ne’e hodi kuda produtu lokal sira hodi lori ba merkadu hafoin sustena ba iha sira nia familia no haruka nia oan sira ba eskola. Maibé wainhira rai ida nee mak halo ba sidade universitáriu entaun rai produtivu iha timor sei menus nomós sei fó impaktu ba produsaun ai han sira iha rai laran.
“Ho ida ne’e, hakarak ejiji ba Ministeriu Agrikultura atu haree asuntu ida nee ho seriu. Rai ida nee rai produtivu ba agrikultura. Wainhira Ministeriu Agrikultura nonok deit hodi ignora asuntu sira neé, hanesan susar ba ita atu halakon dependensia ba importasaun aihan,” sira ejiji ba iha MAP.
Ho problema ida ne’e, bainhira jornalista sira halo komfirma ho xefe suku Bandodatu, Postu Administrativu Aileu Vila, Munisipiu Aileu, maibé nia laiha komentariu ba iha problema ida ne’e, bainhira nia atu fo komentariu tenke iha karta koinesimentu husi Autoridade Munisipiu Aileu maka nia foin fó informsaun kona-ba harii Sidade Universitáriu.
“Antes hau atu responde ita boot sira nia perguntas ita boot sira iha surat rekoinesementu husi Munisipiu, laiha hau haruka fila ita boot sira ba iha Munisipiu, depois iha karta koinesimentu maka mai entervista hau. Hau nia komentariu hau sempre fó,” dehan Xefe suku Bandodatu.
