Reportajen Umbelina dos Reis
Asosiasaun Estudantil Universidade Oriental Timor Lorosa’e (UNITAL), halo peskiza ba orsamentu edifisíu nian ho montante $200.00 kada ema ne’e ilegal, tanba la regula hosi despaixu ruma no laiha brosura laran. Nune’e estudantil ativu UNITAL husu ba fundasaun universidade tenki fo fila estudante sira nia osan ho urjentemente iha tempu badak, bainhira fundasaun la tau iha konsiderasaun hodi solusiona mak estudante ativu sei greve totalmente no la autoriza prosesu aprendizajen inklui administrasaun iha campus UNITAL.
Liuhosi konferensia imprensa Portavoz Joanito Maia da Cruz hateten, bazeía ba problema estrutural ne’ebé estudante sira infrenta durante ne’e, estudante ativu hamutuk ho assosiasaun senadu estudantil (UNITAL), konvida parte rua hanesan ekipa-reitória no prezidente FORTIL ho nia estrutura atu halo dialogu aberta ba parte fundasaun rekomenda katak aseptu husi kobransa ilegal no asedu seksual ne’e responsavel husi universidade atu rezolve, tanba ne’e bazeia ba despaisu fundasaun klasifika ba ekipa rua hodi hatan ba despaisu mak ekipa ida responsobiliza ba investigasaun osan edifisiu nian, no ekipa ida-seluk responsabiliza asedu seksual no kobransa ilegál nian, nune’e husi parte estudantil mak toma-konta ba osan edifisíu nian. investigasaun nee lihosi verifikasaun fizika hodi buka hatene faktus, dadus, evidensia relasiona ho osan edifisiu iha universidade hosi periodu 2018-2020.
” Durasaun verifikasaun hahu hosi loron 18 Dezembrou 2025 to 20 Janeiru 2026 no sei pronunsia nia rezultadu bá públiku iha loron 21/01/2026, antes despaihco hosi universidade nia ba graduasaun, hosi dadus sira ne’ebe ekipa deside foti amostra hamutuk ema nain 210 maibé iha prosesu verifikasaun lakonsege atinji kuantidade amostra ne’ebe sitada iha leten mak ami deside hatun ba ema nain 198 tanba ita hare hosi arkivu administrasaun ladun garantidu nune’e mak hamenus.” Dehan portavoz António Gomes liuhosi konferensia imprensa iha Campus UNITAL, Becora, sexta-feir, 06/02.
Nia informa, hosi komisaun investigasaun reprezentante estudante nain rua, fundasaun nain rua ho universidade nain rua hamutuk hodi trata osan edifisiu nian, hosi investigasaun ne’e konsege komprova, estudante graduadu kompostu 2018 too 2020 la halo pagamentu ba osan edifisiu ho montante $200 dólares tanba osan edifisiu $200 dólar la preve iha brosura no kuitansia tuir relatoriu. Tanba tuir relatoriu komisaun investigasaun verifika dokumentu direta katak resivu pagamentu hosi estudante ba iha banku barak mak la kompletu, no relatoriu komisaun investigasaun verifika dokumentu direta katak osan edifisiu nia ho montante $150 dólares la preve iha resivu banku no brosura, tanba komisaun investigasaun verifika dokumentu direta katak osan selu resivu banku la tuir brosura nune’e bazeia ba rezultadu investigasaun mak estudante ezije ba UNITAL.
” Primeiru husu ba estudante universidade Oriental Timor Lorosa’e ejije atu devolve fila fali ami nia osan edifisiu nia ne’ebe ho montante 150 dólar tanba la deskreve iha brosura no kuitansia nune’e ami konsidera ne’e diskriminasaun, esplorasaun ba ami estudante sira, segundu husu ba UNITAL hodi fo fila osan edifisiu nia ho urjente.” Nia dehan.
Nia dehan, hosi pontu rua ne’ebe sitada iha leten mak ami estudante relata ba fundasaun bainhira la tau iha konsiderasaun hodi solusiona mak estudante ativu sei greve totalmente no la autoriza prosesu aprendizajen inklui administrasaun iha campus UNITAL.
Iha fatin hanesan estudante António Gomes haforsa tan, dadus ne’ebe ami verifika hahu 2018-2020 estudante komisaun organizadora konkorda tanba foti amostra hosi ema nain 210 ne’e mak kompletu signifika ema rihun ba rihun ne’e selu hotu. Maibe ami verifikasaun dadus haree hosi kuitansia, brosura, resivu no despaisu ruma konaba selu osan ho montante $200 dólares ne’e laiha.
“Tanba ne’e mak ami konsidera estudante balun hahu hosi 2018-2020 ne’e la selu duni, tanba ami foti dadus hahu hosi semester I too graduasaun dadus la kompletu. Tanba kapasidade jerente iha finansa iha universidade UNITAL ne’e la diak no mal administrasaun mak nakonu.” Nia haforsa.
