Reportajen Estajiáriu Cristiano dos R. Gama
Primeiru Ministru (PM) Kay Rala Xanana Gusmão, sei desloka ba Singapura iha Sabadu ne’e, atu partisipa iha terseira ronde negosiasaun Fronteira Marítima ho Indonezia, ho esperansa atu parte rua bele hetan komprensaun mútua no atinje rezultadu di’ak.
Primeiru Ministru, Kay Rala Xanana Gusmẫo, informa, sabadu sei desloka ba singupura hodi kontinua enkontru negosiasaun Fronteira Marftima ho Indonezia, tanba antes ne’e primeira ronda iha Timor-Leste, segunda ronda iha Jakarta Indonesia, no terseira ronda ne’e halo iha Singapura.
“Iha Sabadu, ha’u sai ba Singapura ba terseira ronde kona-ba neqosiasaun Fronteira Marftima. Primeira ronda iha fulan Aqustu tinan kotuk, segunda ronda iha Jakarta Indonesia, terseira ronda agora iha Singapura. lta husu boot buat ne’e ita sente ba dehan ita bele komprende malu, ne’ebe husu boot ba ida ne’e bele fó hanoin ruma ba ita,” dehan Primeiru Ministru (PM), Kay Rala Xanana Gusmẫo ba Jornalsita sira iha Palasiu Prezidensial Bairo-Pite, Kinta 23/04.
Nia esplika, tanba Timor-Leste kontinua lakon rendimentu ne’ebé boot, lakon hela milliaun dolares iha tasi Timor, tanba seidauk iha definisaun Fronteira ne’ebé klaru. No autoridade seguransa sira mos kaer beibeik peska illegal sira iha tasi Timor-Leste nian.
“Ita estima lakon to’o dezenas de milloins dolar iha tasi Timor. Hanesan ita hotu hatene foin lalais iha semana kotuk liu ba ita nia autoridade seguransa Polisia Máritima, sira mós foin lalais ne’e detekta no kaer ro illegál balun ne’ebé kontinua kail ikan no esplora rekursu tasi nian iha tasi Timor-Leste ho illegál,” nia subliña.
Nia mos rekoinese Timoroan seidauk iha kapasidade atu kontrola didi’ak tasi ne’e, ne’ebe horseik mos ko’alia iha konsellu Ministru hodi husu ba Unidade Polisia Marftima (UPM), hodi bele kaer ro boot tanba tasi boot ne’e, ro boot mak bele halo patrolliu tama to’o iha tasi klaran.
“Kuandu sira prepara aan ona bele sosa ro boot bele halo patrulla hodi bele kontrola ita nia rikusoin, horseik ko’alia ona iha Konsellu Ministru atu Polisia sira forma dau-daun ona pilotu hodi nune’e Governu bele sosa halo patrullamentu no kontrolu iha área tasi klaran,” nia dehan.
Maibé xefe Governu iha esperansa katak ho negosiasaun ida ne’e importante atu hametin soberania tasi nian, proteje interese nasional no asegura rekursu sira sai nafatin povu no Estadu Timor-Leste nian, hodi fó benefísiu ba povu tomak no sustenta dezenvolvimentu nasaun.
“Negosiasaun ida ne’e, ita espera katak bele hametin liutan soberania tasi nian no asegura rekursu sira ne’ebé pertense ba povu no Estadu Nasaun Timor-Leste nian,” nia afirma.
