Reportajen Silvino Freitas
Governu Japaun oferese programa JENESYS hodi lori estudante no joven sira timoroan nain 23 hodi aprende siensia, kultura no ambiente japaun nian, programa nee joven timoroan sira aprende programa 3 neebe nakonu ho teknolojia inovativu dezenvolvimentu japaun nian.
Embaixador Japan iha Timor Leste Yamamoto Yasushi dehan, programa JENESYS rede interkambiu online iha japaun Asian leste nian ba estudante no foinsae sira neebe hahu ona iha tinan 2009 joven timoroan liu 1800 maka partisipa maka partisipa ona iha programa refere, nunee iha tinan fiscal ikus nee hahu husi abril 2025 too marsu 2026 juventude timoroan nain 23 maka ba partisipa iha programa tolu iha japaun maka konferensia estudante sira nian, ASEAN Japaun Desportu no ODS interkambiu ba foin sae sira no Timor Leste Japaun resposta emerjensia no redusaun risku dezastre troka negosiu no emprezarial.
“ohin nuudar oportunidade diak ida ba ita boot sira partisipante JENESYS nian atu fahe ita boot sira nian konesimentu no esperensia neebe durante ita boot sira hela iha japaun nomos planu asaun sira neebe ita boot sira implementa ona ka hanoin atu implementa iha Timor Leste” dehan Embaixador Japan iha Timor Leste Yamamoto Yasushi, (24/04).
Hanesan reprezentante governu japaun iha timor leste Yamamoto orgullu no hein esperensia sira neebe deskobre iha japaun neebe atu bele kontribui ba timor leste nia dezenvolvimentu, nunee amijade neebe halo iha japaun sei bele hanesan rikusoin ida atu bele opsaun ida habelar kareira no iha futuru.
Alumni programa JENESYS estudante husi universidade UCT Melcia Mendonça dehan, kontente tebes tanba nia bele reprezenta ona nia universidade no nasaun hodi bele aprende kultura ambiente no teknolojia sira modernu iha nasaun japaun nian, nunee maneira japaun nian neebe hanorin nia estudante sira uza teknolojia ho inovativu hodi halo mudansa resolve problema sira iha sosiedade nia laran.
“durante semana ida iha japaun ami aprende buat barak tebes liuliu iha tema edukasaun no teknolojia modelu edukasaun iha japaun no japaun neebe uza tekonolojia no hau espera ami sei aplika fali buat neebe aprende iha japaun mai iha timor leste” dehan estudante Melcia.
